【魚樂無窮】老散指數有用嗎？（唐牛）
有跟進本欄fb的戰友都知道（未like請快like），專頁最近新增了散戶調查︰每日收市後問大家兩條問題，分別為「今日有冇入市」及「明日睇升定跌」，內容看似簡單，但我認為足以量度散戶的情緒。
大家可能覺得第二條問題直接到肉，但我覺得第一條才是精髓，
正所謂「口裡說不，身體卻很誠實」，睇唔通後市或者覺得易跌難升，自然會退後一步（買put開熊另計），無怪乎調查做了幾日，沒有入市的比例日日都超過六成，更加證明股市極度難玩，令塘邊鶴數字越來越多。當然，也可以演繹成輸到冇曬心機唔想再玩，所以我認為，不入市比例越高，短期見底的機會越大，即管睇下準唔準。記住，任何統計都係，sample size越大，數據分析越準確，大家記得一齊留言搶答呀。
睇散戶有幾悲，當然要八卦問經紀朋友生意如何，他也不諱言最近冇啖好食，九成九散戶已離場，餘下的一個半個，也只得番半條人命，經紀朋友笑言，已忍唔住叫佢draw錢走人，留待市旺再戰。呢位經紀朋友固然係愛心爆棚，也在在反映個市難炒程度，無論如何，忍手唔代表懦弱，保命要緊呀老友！
唐牛fb專頁：http://www.fb.com/tongcow88
魚樂無窮 - 唐牛 舊文
來源 source: http://hk.finance.yahoo.com
