智取大市 - 晉佳 2018年10月22日
智取大市：愛國救市新啟示 - 晉佳
最新嘅國情風向，就係買A股叫愛國。 資料圖片 適中字型 較大字型
啱啱星期五，以國務院副總理劉鶴為首，加上人行易綱、中證監劉士余、銀保監郭樹清齊齊喊話撐A股，最新嘅國情風向，就係買A股叫愛國。
今期要愛國，首先要有命、然後要有錢先得，但潛台詞肯定係「斬倉正衰仔」，冇得斬倉？今次明顯又係內銀、券商齊齊為國捐驅。「斬倉正衰仔」未必好事，因為資本市場資金流未改善，大家就搵其他股票去套現，於是中央又諗到引入險資買A股，同埋放寬A股回購兩招。
險資買股一環，首先，保險公司或保險資管公司直接入市買股，惟需符合股價創3年新低、跌超60至80%及業績基礎較好等條件。另一種方式係保險資管公司同券商合作，交由券商選股，保險商收返穩定收益回報，即係股息吧。第一種方式叫你低撈有盈利股票，咁第二種方式啲券商又點敢買冇盈利基礎嘅股票？放寬回購，即係口袋裏有錢、有正現金流嘅上市公司，先可以支持股價，亦同基本面相通。
縱使滬綜指14個月RSI跌至30年最低水平，但資本市場資金流緊縮情況未解決，出現RSI底背馳機會不低。不過，下一轉A股翻生嘅話，冇盈利嘅A股，睇怕冇得亂炒了。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.finance.appledaily.com
