中環在線 - 李華華 2018年10月22日
中環在線：星展賀金禧 尹光唱歌娛賓 - 李華華
星展請嚟廟街歌王尹光（中），做嘉年華嘉賓。 適中字型 較大字型
話說星展集團今年金禧，即創行50周年，梗係要搞番啲慶祝活動，答謝一班平時辛勤工作嘅員工。
集團除咗年頭嗰陣，向每位員工派「18K金器」（金袖口鈕或金項鍊） 及500新加坡元 （約3,000港元），以及香港4,000多名員工獲贈50元可增值八達通外，昨日星展香港更喺數碼港舉辦員工嘉年華2018，以「回到舊時」為主題，請嚟廟街歌王尹光做活動嘉賓，大唱獅子山下等經典金曲，一眾管理層亦投入其中。
受年輕員工歡迎
華華聽聞活動由星展同樂會（staff club）舉辦，多位星展香港管理層都有出席，好似零售銀行業務及財富管理總監Ajay、企業及機構銀行總監張建生等，仲有成1,300位同事出席，現場大家聽尹光唱歌聽得好開心，年輕人都衝上去影相、握手，唔講唔知原來尹光喺年輕人圈子都幾吃得開！
活動當然亦提供一系列如龍鬚糖、麥芽糖及眼鏡糖等懷舊小食，及踢毽等小玩意。能歌擅舞的員工更即場為同事大唱懷舊歌曲，當中更包括前C ALL STAR暨現役星展同事。
李華華
mailto:LiWaWa@AppleDaily.com
中環在線 - 李華華 舊文
來源 source: http://hk.finance.appledaily.com
