【高山行快遞】高山行：贏開有條路！ （16/11）
2018-11-16 9:07:25
乜都係假，走勢先最實際，A股呢期靚過港股，所以搵國企搞搞有意思，可考慮博博江蘇寧滬高速公路(0177.HK) ，實行贏開有條路！
寧滬勝在走勢穩及息率吸引，舊年派息計都有5厘
幾，今年首3季又有兩成幾增長，作為避險求勝對象，未嘗唔係明智！
事實上，寧滬亦唔係只做公路，並且間有大注資活動，例如2014年底就向母公司江蘇交通控股收購江蘇寧常鎮溧高速公路權益; 另又在去年初跟鎮江交通及揚州交通，成立合營建設及營運五峰山公路大橋及南北接線項目，資本金高達46.47億元(人民幣.下同) ，其中寧滬就佔近30億元; 同時旗下廣靖錫澄再與宜興交通投資，成立合營建設及營運宜興至長興高速公路江蘇段項目，資本金15.15億元，出資達9.09億元，兩者先後佔權六成多及六成股權。
寧滬唔止經營滬寧高速、寧連、廣靖錫澄高速、寧常鎮溧高速、錫宜高速及無錫環太湖公路咁簡單，仲有營運路配套服務及房產開發等，而且是做於微時，收益率自較其他同業更高。
今年你有你個市唔掂，但寧滬則佢有佢精彩，先在中期業績拔頭籌，上半年營業額51.42億元，按年升10.1%，純利24.88億元；近期再公布首3季業績，實現營業收76.42億，增9.3%，純利36.52億元，大增26.1%，每股收益72.49分，難得是每季業績都穩健增長，預計全年通行費收入增長平穩，並已完成六個服務區外包招投標。
未來將續優化整合高速公路資源，尤其積極推進五峰山公路大橋、南北接線等 新建項目，並推行「智慧擴容」，全面提升道路通行力，聚焦「智慧交通」「智 慧高速」建設，管理層多番強調會積極利用上市平台，似乎暗藏再注資伏線，看周線圖接連報捷，基本上已扭轉早前下調之勢，中線向13港元挑戰，唔到價就收起收息，贏開有條路！
高山行
高山行快遞 - 高山行 舊文
來源 source: http://www.winmoney.hk
