【魚樂無窮】1.9萬股息收入的啟示（唐牛）
最近有公屋戶涉隱暪股息收入，最終被罰60小時社會服務令，成為投資界茶餘飯後的話題。事緣一名居於何文田愛民邨的公屋居民，在申報入息及資產時，未有披露股息收入，其後被揭從投資戶口所賺取的股息收入，每月超過1.9萬元。
本欄不懂評論時事，只從投資角
度出發︰一個月1.9萬元，一年即22.8萬元，假設股息率4厘，其股票資產組合價值高達570萬元（22.8萬元/0.04）。唔少人睇到呢度，都會話「揸住5球幾錢，梗係公屋富戶啦。」這個縱然不能否認，但重點在於，報道其實未有提及呢位人兄嘅持貨成本。近年傳統高息股長期處於大牛市，中電（002）、煤氣（003）、香港電訊（6823）及領展（823）等不同種類的REITs，無不跑贏大市，買中嘅可謂財息兼收，所以上述現值近六球的高息組合，買入成本或者只係四五百萬甚至更低，說穿了，其豐厚身家都係透過錢搵錢谷大的。
呢個case的重點在於，高息股只有回報率吸引，一定係先買為敬，因為假設業績及派息年年遞增，股價只會易升難跌，甚至係越升越有，正所謂「早買早享受，遲買貴幾舊」，有意透過高息股增加被動收入以及財務自由的你，唔好再等喇！
唐牛fb專頁
http://www.fb.com/tongcow88
魚樂無窮 - 唐牛 舊文
來源 source: http://hk.finance.yahoo.com
