異動空間 - 魏力 2019年5月3日
馬上成為壹會員
會員註冊/登入
【異動空間】進駐5G內需股 - 魏力
分析預期5G牌照將於本月發放，相信會為相關設備股帶來一轉炒作機會，不妨提前進駐。資料圖片 適中字型 較大字型
美聯儲維持利率不變，符合市場預期，但是鷹派的言論卻是顯而易見。當中最重要就是鮑威爾分析通脹時所用的一個字：暫時性（Transitory）。他認為目前通脹不達標（2%）只是暫時性，簡單講，之後通脹係睇升。
通脹點解睇升？三個因素：油價漲、工資升、全球經濟回穩。想加息無理據，想減息又有隱憂。比較樂觀去睇，目前美國經濟不冷不熱，因此暫時唔使做嘢。無論點解讀，至少都反映一件事，就是短期唔會減息，投機者中空寶，自然焗沽離場。但對後市來講，低通脹、經濟又穩步增長，加上外圍風險下降，點會唔係好消息？另一邊廂，市傳中美最快下周五達成貿易協議，也可為短線帶來多一份憧憬。
港股繼續橫行待突破訊號，但友邦（1299）、領展（823）兩隻藍籌整固1個月後，終於大陽燭破關而上，是否大市上衝的前奏？隔晚美股阿里巴巴也逆市破阻力，騰訊（700）短線能否跟上？值得留意。
板塊方面，「內需谷經濟」似已成為今年的投資最大主題，組合內不可或缺。另外，分析預期5G牌照本月發放，相信會為相關設備股帶來一轉炒作機會，不妨提前進駐。
筆者為證監會持牌人，持有友邦、領展、騰訊財務權益
魏力
http://fb.com/2012jason
本欄逢周一、五刊出
異動空間 - 魏力 舊文
來源 source: http://hk.finance.appledaily.com
