異動空間 - 魏力 2019年6月3日
馬上成為壹會員
會員註冊/登入
【異動空間】貿戰變糧食危機？ - 魏力
投資前景太不明朗，資金無處可去，黃金成為其中一種避險工具。 資料圖片 適中字型 較大字型
特朗普四圍撩交打，跟阿爺反枱之後，又拎鄰國墨西哥祭旗，圍牆起唔成，就用關稅伺候，關稅就由5%起逐月加，去到10月就25%。消息一出，盟友日本即時誤中副「車」，皆因出口往美國的日產、本田等汽車均在墨國生產，可說躺著中槍。由此可見，老特為展現「美國強大」，為明年連任鋪路，基本上敵友不分，阻我者死咁款。
執筆時佢又再出手，取消印度關稅優惠國的地位，原因又係一句「貿易不公平」，真係佢講曬。但換個角度諗，當所有國家都抽緊美國水，在貿易上佔便宜（貿易順差），其實只因美國人天生購物狂，先需要進口咁多貨品，搞到自己周身債。據統計，2018年美國總儲蓄率只有約2.5%，為發達國家中最低；近8成美國打工仔是「月光族」，近7成美國人銀行戶口存款更少於1,000美元。睇到呢堆數字，貿赤係咪合情合理？
老特不斷強調「加關稅＝坐係度收錢」，實情只係向美國消費者抽稅，最後因為物價太貴、買唔起，令貿易量大幅萎縮，最終導致貿易全球化「拆倉」，經濟一齊攬炒。投資前景太不明朗，資金無處可去，只能投向「避險三寶」──美債、日圓、黃金，再加些少比特幣。此外，近日投資者開始賭貿戰會演變成糧食危機，帶動相關ETF谷底反彈，值得繼續觀察。
魏力
http://fb.com/2012jason
本欄逢周一、五刊出
異動空間 - 魏力 舊文
來源 source: http://hk.finance.appledaily.com
