智取大市 - 晉佳 2019年7月31日
【智取大市】工業互聯網大機遇 - 晉佳
步入5G時代，如果在工業互聯網方面能夠超前做得到嘅企業，未來有機會大殺三方，霸權只會更霸權。 資料圖片 適中字型 較大字型
呢個立立亂嘅世代，各國關注香港政局發展，睇大picture嘅話，少不免mon實中美貿易戰嘅影響。當唔少企業打算撤出大陸工業之際，藍籌股申洲國際（2313）竟然反其道而行，大嗱嗱72億人民幣喺發跡地寧波嘅北侖市，興建包括生產廠房設施在內嘅18個項目，股價連升兩日。申洲突然喺大陸做咁大投資，適逢步入5G嘅時代，相信最大機會係搞工業互聯網。
搞工業互聯網，絕對唔係求其喺間廠，加啲大數據就得。有專家講到，以前大陸嘅工業控制系統好封閉，50%以上工控系統帶毒運行，100%工控系統帶漏洞營運，短期甚至未來幾年都冇可能改變呢種狀況，因為大量嘅工控系統需要7Ｘ24小時無間斷運轉，冇機會及時修復，而且一啲未知漏洞仲未掌握到。正正因為工業互聯網難度高，能夠超前做得到嘅企業，未來有機會大殺三方，霸權只會更霸權。
傳統同工業互聯網之間最大分別之一，就係傳統生產屬於封閉，工業互聯網嘅生產連接外面世界。由舊變新，倒不如重新搞過新廠房同系統，所有嘢用最新科技。工業互聯網係乜？究竟有幾大潛力？都仲未講到申洲，稍後再講。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.finance.appledaily.com
