智取大市 - 晉佳 2019年8月5日
【智取大市】驚警察多過罷工 - 晉佳
港澳辦回應默許警權擴大，相信警方手段會一日比一日強硬，呢個潛在因素比起大罷工威脅更大。 資料圖片
適中字型 較大字型
香港政局似乎比貿易戰更膠著，港澳辦回應默許警權擴大，中央endorse林鄭更大權力去平息危機之時，似乎會為平息危機嘅時間表設限，相信警方手段會一日比一日強硬，呢個潛在因素比起大罷工威脅更大。
大罷工暫時睇唔出會持續影響中環運作，但喺弱勢之下，對港股即市表現仍呈心理打擊。
上星期聯儲局鮑威爾話減息只是調節而非周期啟動，而轉過頭特朗普隨即向3,000億美元對華進口貨徵收10%關稅，一方面等同華府向聯儲局減息施壓，另一方面係中國拒絕持續進口農產品，等同打擊特朗普票倉，逼到特朗普要出七傷拳。
壞消息係咪走到盡頭？
循住過往出招周期，稍後又係再禁零件供應華為，然後又停一停。成件事未擺脫過去年幾嘅貿易戰周期，股市跌幅相信唔會比過去急勁。
上星期五港股大成交下跌647點，恒指失守27000點，事前固然係出乎意料之外，但即市冇明顯跌幅擴大，似係消耗性裂口，距低位估計不遠。
要留意嘅係，距離美國大選只有一年多少少，特朗普呢個時候不容許美股大跌。呢個時候特朗普仲出招，亦證明佢不怕亦不認為美股會大跌。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.finance.appledaily.com
