【魚樂無窮】畏高唔敢買美股 點算好？（唐牛）
美股終於在中美貿易戰升溫的情況下回落，對畏高的戰友來說，無疑是一大喜訊。當然，所謂回落其實只是兩三個巴仙，嚴格來說仍然屬天價，咁究竟點先可以克服心魔呢？
買股票最怕由天堂跌落凡間，甚麼因素會令股價急挫呢？業績一定係最主要原因，是故我高追某些心
頭好時，都會停一停、諗一諗，好似可口可樂（KO）咁，乃在集團公佈第二季亮麗業績後始入場，雖然要再買貴些，但事實亦證明，其股價在跌市下依然硬淨，證明績優股總有資金低吸，承托力相對較高，等待大市回升時，肯定會係率先破頂的一批。
另一方面，倉位內有兩隻股票，是在業績公佈前上車的，結果在放榜後，股價一隻大升一隻大跌，好彩的係，截至周三收市，大升股份的賬面利潤，足以彌補大跌那隻、甚至是其他股份的虧損。想知道是哪兩隻股份的戰友可在fb pm問我，至於嚟緊點操作兩隻股票，則留待下周再談。
唐牛fb專頁
http://www.fb.com/tongcow88
魚樂無窮 - 唐牛 舊文
來源 source: http://hk.finance.yahoo.com
