中環在線 - 李華華 2019年8月9日
立橋推新產品 陳健波恐「倒米」 - 李華華
陳健波的「收成期」言論辣香港不少市民。資料圖片 適中字型 較大字型
【中環在線】保險界立法會議員陳健波上兩個月話示威者破壞香港穩定，搞亂佢個「收成期」，言論簡直係令人遺憾。同時身為立橋保險集團行政總裁嘅佢，旗下立橋人壽似乎正在「種植期」，宣佈正式開業之餘，噚日仲一口氣推出3項新產品，唔知連登仔買唔買呢？
3隻產品分別係名為「銀柏」醫療保險、「立安心」危疾保險，同埋「喜盈於息」五年期嘅儲蓄保險。其中隻儲蓄壽險係美元計價，五年後保證現金價值係每年3.6厘，撞正現時美國聯儲局減息，回報率相當唔錯嘅。但問題係陳健波嘅「收成期」言論辣㷫香港唔少市民、甚至係保險業界，有機會幫公司「倒米」。
另一樣值得注意嘅係立橋人壽大股東係內地商人許楚家，佢本業係做深圳房地產，現時係兆邦基地產（1660）主席。旗下立橋保險係經收購豐亞保險得來，之前主力做車險；立橋人壽就早前獲得保監局長期業務牌照，上月23日先正式開業。
李華華
mailto:LiWaWa@AppleDaily.com
LiWaWa@AppleDaily.com
中環在線 - 李華華 舊文
來源 source: http://hk.finance.appledaily.com
