智取大市 - 晉佳 2019年9月16日
【智取大市】美國大選前策略 - 晉佳
美國對華政策鴿派嘅財長姆欽，言論同行動近月都轉趨強硬。 資料圖片 適中字型 較大字型
距離美國大選仲有一年時間左右，中美糾紛消息喺大選前，股市又如何反映，投資者點樣諗定如何應變？
單睇近月，美國對華政策鴿派嘅財長姆欽，言論同行動都轉趨強硬。今年8月，美國將中國列為滙率操縱國，一年後要將貿易順差收窄至200億美元，否則一年後美國可以拒絕中國獲取美國私人公司嘅融資，現時剩返11個月，隨住時間推移，持股超過半年的話，其實係要考慮呢類投資者暫時諗住「到時先算」嘅因素。
美國民主黨總統參選人當中，拜登被兩位對華強硬派桑德斯同沃倫夾擊，市場預期美國對華政策保持強硬，可能係未來一年主流思維。大方向嚟講，一般周期性企業面對宏觀經濟同政策不可測因素甚多，經營被打亂陣腳，獲得投資、融資嘅機會亦較低，變數較大打擊股價前景。唯獨喺負利率大趨勢之下，持有海外房地產為主嘅周期股相對較有優勢，而本地地產股面臨被央企取締，絕非佳選。
中國加大內需去迎接呢場仗，係大勢所趨，未來一年以至更長遠都不能避免，內需股已經炒到貴一貴，但估值roll over之下，破頂機會仍然高，趁每次調整吸納，直至美國大選勝算仍大，保守估計有30%以上升幅不難，傳統周期股要跑贏不易。5G、AI、大數據概念更被中國視為未來殺著，亦係值得押注嘅地方。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.finance.appledaily.com
