魚樂無窮 - 唐牛 2019年10月11日
【魚樂無窮】新股狂潮怎應對？（唐牛）
由百威亞太（1876）的新股熱潮越炒越有，昨日上市的兩隻新股——滔搏（6110）及魯大師（3601）齊齊落鑊，滔搏埋單較招股價高8.8%，後者更是瘋狂炒高逾2倍，今次招股發行6000萬股新股，昨日成交股數竟超過1.8億股，即流通股足足炒了三次，你話誇張唔誇張？
相信唔少戰友都會諗，魯大師會否成為中煙香港（6055）翻版？中煙今年6月上市，招股價4.88元，半個月後竟炒高至28.5元，累積升幅接近5倍，以昨日收市價20元計，仍有3倍升幅。你可能會問，做煙草真係咁好搵？請不要在基本因素糾纏，從來新股只炒供求，求過於供，股價便炒上，反之亦然。如何能令市場求過於供，其中一個方法就是幕後人士齊心合力，忍手唔沽貨，流通股數越少，炒上力度及速度便越大及越快。中煙34億市值上市，可以有本事炒到最新138億元，從呢個角度出發，魯大師最新市值只得22.4億元，炒作空間其實更大。
實際操作方面，最簡單的方法，莫過於只要走勢以陽燭姿態上升，便可繼續持貨，一直至出現陰燭才獲利，再短線啲嘅，就係睇實每日高低位及平均價做人，緊記高風險高回報下，一定要嚴守止賺止蝕，用注碼控制風險。
唐牛fb專頁
http://www.fb.com/tongcow88
魚樂無窮 - 唐牛 舊文
來源 source: http://hk.finance.yahoo.com
