智取大市 - 晉佳 2019年11月27日
【智取大市】阿里回流有利股價 - 晉佳
阿里巴巴增長唔錯，有業績支持，股價表現應該會唔錯，至少繼續跑贏騰訊。 資料圖片 適中字型 較大字型
阿里巴巴（9988）第一日上市先升後略為發軟蹄，開市後波幅只係略多過1%。論流通市值，美股上市嘅阿里巴巴係港股超過5倍，如果港股上市嘅阿里走強，就會引嚟美股投資者大手套戥機會，加上以市場深度計，亦係美股市場大得多，相信阿里巴巴股價定價權好明顯仍落喺美股投資者手上，難以相對美股有明顯溢價。
喺科技戰以至潛在資本戰威脅下，對一間手頭現金330億美金、毫不等錢使嘅阿里巴巴而言，趕頭趕命嚟香港上市嘅意圖非常明顯，係長遠希望將股價話語權由美國搬返去香港，以避開中美紛爭。香港呢個地方，其金融市場始終喺中國掌控之下而又容納得到天下嘅投資者，無論如何非常適合阿里巴巴寄居，估計長遠阿里喺內地A股或港股有發新股擴大流通量嘅需求，與此同時利用龐大現金喺美股市場進行回購，將股價話語權由美股逐漸搬返去中國掌握之下。
由於阿里巴巴增長唔錯，有業績支持，喺以上操作之下，股價表現應該會唔錯，至少繼續跑贏騰訊（700）。短線嚟講，阿里招股時鎖死資金釋放，加上阿里仲未納入港股通，資金估計會回流至其他新經濟股，值得留意。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.entertainment.appledaily.com
