創業起義 - 尹思哲 2019年11月27日
【創業起義】黃色經濟圈係乜嘢事 - 尹思哲
黃色經濟圈其實係一種歧視行為，一種以品味為本的歧視行為。 資料圖片 適中字型 較大字型
寫黃色經濟圈嘅文章，我最近睇唔少，其中以徐家健教授Kevin寫得最好，佢用經濟學解釋咗，黃色經濟圈係咩一回事。
Kevin話，黃色經濟圈其實係一種歧視行為，一種以品味為本的歧視行為（Taste-based discrimination），我理解係同歐洲嘅綠色運動頗接近，例如當地人因為環保理念，為咗碳排放同全球暖化，真係可以拒搭飛機、同超嚴格嘅垃圾分類。佢哋為咗品味而付出更大付價，係我上個月去芬蘭所親眼目測。
至於香港，暫時為止一般人講黃色經濟圈，大多係聚焦講「資訊成本」部份，我認為無可厚非，事關第一步大家要先了解，黃店藍店嘅分佈如何，至可以有進一步嘅判斷同行動。
以我自己「戒港鐵」為例，除咗趕去機場迫不得已坐過一次，至今已經兩個月無搭過，點解我做得到？主因正係掌握到正確無誤嘅資訊，因為我用Citymapper呢個手機程式，每次出行，輸入出發點同想去邊度，呢個App會建議你所有交通工具選項。
由於黃藍店嘅手機程式已不少，再加上facebook、Google Map亦有唔少資訊，資訊基本上已不成問題，長遠而言只係點樣做到，好似Deliveroo或者UberEats一樣，唔只於提供資訊，仲可以根據用戶喜好，直接建議同推介等等。然而，當所有人睇到資訊成本，Kevin作為經濟學者，佢睇到嘅係交易成本。佢認為，黃色經濟圈內每宗交易，因為品味歧視，都將付出額外的經濟成本，因而有必要盡量做啲嘢，減低返個交易成本，而佢答案係：使用區塊鏈同虛擬貨幣。
使用區塊鏈嘅倡議，我十分同意，一來係鑑於本港七八十年代，亦有過嘅紅色經濟圈，當年亦因為日資同本地薑抬頭，而一度由盛轉衰，二來係可以借助區塊鏈交易紀錄不能被竄改的特性。
尹思哲
http://linkedin.com/in/wanszezit
wanszezit@gmail.com
創業起義 - 尹思哲 舊文
來源 source: http://hk.entertainment.appledaily.com
