【士佳說】張士佳：市場氣氛審慎 繼續好消息出貨
【士佳說】張士佳：市場氣氛審慎 繼續好消息出貨
大家好，這裡是士佳財經工作室，又是時間與大家報告一下市況速遞。
昨日香港恆生指數受貿易戰傳來好消息及美股做好高開，突破上週高位，正如尋日所講，繼續好消息出貨，所以升勢及後無以為繼，最終倒跌46
點，反映市場氣氛仍審慎，出現突破亦未敢追貨，估計都是等待貿易協議確實消息，而非每天的「口水戰」。
昨晚，美國方面又傳出所謂的好消息，指感恩節後，有機會與雙方面對面磋商，目前只係斟酌緊文本技術問題，就暫時觀望，冇乜好與壞嘅期望。現時的大市策略未變，好似尋日，見急升就短綫淡一淡，長線先作觀望。
而昨天的焦點阿里巴巴上市，跟市況走勢相若，都是先高後低。加上MSCI擴容，令大市成交增至1330億，創5月來的新高，期望有穩定的資金刺激大盤向好，走出近月每日只是不停追逐唔同板塊消息的局面。
持倉情況方面，很多板塊方面，我都係走左未補回，或者有一些就走咗個別嘅，好似醫療器材就走咗大市值的；啤酒股就未搵到補回嘅訊號；外賣就只有1/3注；醫藥股就只係揸住上星期創新高嘅，等緊時機止賺，重型機械，體育用品及東南亞博彩，教育板塊嘅半新股繼續持有。至於留意緊嘅係一綫房地產，最好係市值400至500億的，一突破近日高位佢就會加倍關注，因為估內地鬆動銀根的政策早遲都要出來。
最後是跟進比特幣走勢，本週曾回落至$6800水平受到支持，現時低位徘徊，如回升至$7300之上，有跟進看空的朋友可能要先行獲利。
好了，今日講住咁多，下次再見。
士佳說 - 張士佳 舊文
來源 source: http://skycheung.weebly.com
