「超人」李嘉誠除咗捐贈物資畀香港醫護之外，近排仲捐埋「頭等艙」畀印尼醫護。話說當地醫護為免傳播病毒，攰到瞓低都唔能夠返屋企，要喺欠缺休
憩設備嘅醫院內席地而睡，免疫力下降之餘，受感染嘅風險即增加。
助執行任務前充電
正因為咁，李嘉誠基金會同印尼住宿初創公司Bobobox，呢個禮拜內向雅加達及西爪哇須應付疫情嘅醫院設置100個「頭等艙」，入面提供嘅設備包括床褥、枕頭、毛氈、照明燈、冷氣同電插頭；「頭等艙」設置以舒適、安全、簡約為首要考慮，務求令醫護能夠好好休息，喺執行任務前能夠充一充電。
李嘉誠基金會董事兼長和（001）財務董事陸法蘭話，BoBoBox及時將商業產品應用喺支援醫護嘅優質臥艙，畀佢哋舒適同埋有尊嚴地歇息，繼而更好咁拯救生命，對呢個充滿善念嘅解決方案深表支持咁話。
李華華
mailto:LiWaWa@AppleDaily.com
中環在線 - 李華華 舊文
來源 source: http://hk.entertainment.appledaily.com
