【湯文亮專欄】賣樓是要講資格
【湯文亮專欄】賣樓是要講資格
資料圖
文|湯文亮
紀惠集團副主席及行政總裁
有年輕朋友話樓市走勢不佳，經濟環境又唔好，他打算賣掉手上的單位，我問佢打算賣掉那一個，原來他只得一個自住單位，我話唔好意思，他根本沒有資格賣樓，如果要賣樓，最低限度都要有兩個單位。賣走自住的
絕對可以，因為還有另一個單位，就算租了出去，最多等一兩年，待租約期滿便可收回自住，如果只得一個單位，賣走之後就要租樓，倘若樓價唔跌，就一世後悔。
年輕朋友話明白，不過他真的認為樓市前景不佳，同輩亦有很多人將自住單位賣走，現在租樓住，不但賣樓賺了錢，而且租金下跌，生活質素反而提高了不少，所以，他亦打算賣走自住單位，以後有機會可以再買過，如果樓價不跌甚至上升，唯有當自己唔好彩，以後都會租樓住，起碼在這十年八載，生活質素可以提高不少。
很多人不明白，第一個單位只不過是踏腳石，按正常發展，隔了一段時間，他可以細屋搬大屋，如果沒有第一個單位，很難在第一次置業買一個700呎以上單位。我們再睇下屋苑，例如太古城，以現在樓價，當中有不少業主根本買不起，不過，他們是多年前買入，現在有很大機會沒有欠銀行錢，就算有都不是太多。
如果害怕樓價下跌而賣了自住單位還情有可原，但為了貪圖享樂而賣樓就會後悔終身，最後我對那位年輕朋友說，現在他還未有資格賣樓，努力工作賺錢，買到第二個單位之後才夠資格講賣樓。
本文為作者獨家供稿。
本文為作者觀點，不代表本媒體立場
責編：Emma
湯文亮專欄 舊文
來源 source: http://www.orangenews.hk
