有買貴，冇買錯是有條件限制
有內地老友話去年買的樓盤，最近減價三成，他當然唔開心，立刻大興問罪之師，物業代理話有買貴，冇買錯，樓價始終會回升，現在只是暫時失利。老友聽完始終覺得有買貴冇買錯有點唔妥，但講唔出是甚麼唔妥，於是問我那位物業代理有沒有講錯。
老友可能唔知道，我有好多物業代理老友，真的唔
想講壞話，大家都是搵食，況且減價是地產商而非物業代理，於是話那位物業代理所講的是真實謊言，有買貴是真實，冇買錯是謊言，老友唯有苦笑。
有買貴冇買錯這句話其實被濫用，應該是有一些條件才可以講有買貴冇買錯，例如一幢大廈，有人用高價買了一個位於十幾樓單位，他便不能用有買貴冇買錯。因為如果有人用低於他買的價錢，買到同一幢大廈，相同面積的單位，即時可以證明他買貴了，如果他買高層單位，即使有人話買貴了，他便可以用有買貴冇買錯來反駁。因為就算有人可以低三成買到同類型單位，但如果不是高層，亦不能比較。所以，有買貴冇買錯是有條件限制，最基本是非常罕有的優質單位，唔可以隨便用。
作者為紀惠集團行政總裁
文章轉載自「AM地產」facebook:
http://bit.ly/2wls4EF
湯文亮專欄 舊文
來源 source: http://www.am730.com.hk
