【智取大市】中美大戰的牛三套路 - 晉佳
港股上星期有三日喪炒，兩日大跌。只要冇事冇幹，個股就炒到癲；一有壞消息，即刻大調整。 資料圖片
目前市況絕對需要以短線操作為重要手段。回顧上星期，港股有三日喪炒，兩日大跌。大跌市兩日之中，星期三有侯斯頓中國領事館事件，星期五就因為蓬佩奧言論加埋
中方報復拖累。換言之，只要冇事冇幹，個股就炒到癲。如此一來，特朗普想拖長大牛市就由佢炒三兩日，然後出一招令市場調整冷靜嚇，至少嚟緊一星期有機會重複呢種套路。
理論上ATMX都喺20天線附近，確有機會形成支持再向上，不過20天線有支持已經唔算短線強股，更強嘅應該喺升勢當中、5天線有支持嘅股份。
經歷上周三、五洗禮後，保持喺5天線以上嘅升勢股為數已偏少，包括遠大住工（2163）同半新股思摩爾（6969），若然搵周五跌穿5天線不算多嘅大波幅股份，仲有半新股華夏視聽（1981）同祖龍娛樂（9990），周一市況回穩嘅話，呢兩隻股會火速重返5天線以上，其中華夏娛樂上周每日閒閒地10%波幅都幾驚人，假如本周市況比上周少大震盪，只要非大跌市或資金遺忘新經濟股嘅日子，佢就單日升一成。
中美消息會唔會連珠炮發？然後再拖累大市？又未必，只要雙方由開火變為膠著一個星期，就夠炒了。
晉佳
http://fb.com/advanceguy1
智取大市 - 晉佳 舊文
來源 source: http://s.nextmedia.com
