中環在線 - 李華華 2020年7月30日
【中環在線】鄭氏家族包起幼兒園畢業禮 - 李華華
疫情下學生被逼停課，即使一生人一次的畢業禮亦要延遲。不過周大福教育集團旗下、名牌幼稚園維多利亞教育機構（VEO）為免學生失望，即改於網上進行。華華收到維多利亞幼兒園（海峰園）聽日舉行嘅畢業禮程序表，發現由致辭至學生代表，直接由新世界鄭氏家族包起嚟做！
鄭志剛作為校董致辭、太太余雅穎作為校監出席頒獎，賽果都好合理；再看學生代表，三個小朋友中，由鄭志剛愛女，以及龐建貽、鄭志雯囝囝佔去兩席；再睇睇畢業禮唯一的家長代表，登登登凳，亦由龐建貽、鄭志雯擔當。咁小朋友致辭時，開場白咪要係「爸爸、媽媽、姑丈、姑姐、校長、各位老師、各位同學……」?
有家長見到個名單就好嬲，話不如直接叫呢個畢業禮做「鄭氏心聲」。不過其實佢哋係有苦衷嘅，咁都係為咗防止陌生人交叉感染啫！
李華華
mailto:LiWaWa@AppleDaily.com
中環在線 - 李華華 舊文
來源 source: http://s.nextmedia.com
