曾俊華最新宣佈：復～出～。唔好誤會，只係復出拎返支筆寫返blog。以前做財爺都寫開blog嘅曾俊華，最新喺facebook表示，決定重新執筆，逢星期一於Bowtie網頁上發文，希望分享自己對未來的看法。
佢就話，「2020年是難熬的，我會視為一個難得的轉機，讓我們可以重新審視這個充滿不確定性的時代。有人說香港已Game Over，隨着社會變化和疫情的打擊，香港人難免漸趨悲觀。我和大家一樣感到無奈，但我更相信我們需要用行動去改變現狀。」
曾俊華又提到，目前大家應思量如何保護自己和身邊人，「『自強』、『自救』和『自助』，歸納起來，就是『自保』兩個字。」
對於曾俊華「復出」寫blog，唔少網民就留言呻吓對現屆政府嘅不滿，例如：
「俾薯片叔叔講中左，如果林鄭做特首，香港人呢五年會好難捱。」
「曾先生，想念你這個守財奴，守住香港嘅錢，你就連自己的財政司官邸維修費也這麼慳。今天嘅香港郁吓又話起明日大魚天文數字咁多億、郁吓又話整個口罩八億、完全唔需要徵求市民嘅同意，想點洗就掂洗。」
不過要數最一針見血嘅留言，呢句可能係其中一句：
「香港人現在自身難保，可能離開是唯一出路！」
李華華
來源 source: http://hk.appledaily.com
