士佳說 - 張士佳 2020年9月10日
【#士佳說 】張士佳：美股主導投資氣氛
【#士佳說 】張士佳：美股主導投資氣氛
昨早，我好友兼學生CALVIN打來問我點睇，我斬訂截鐵的講，唔識睇，但做好，佢問點解，我簡單的答「危前機」，當時，我叫佢趁跌買call，因有值博率，今朝佢應該發了個小財，點解咁睇我臨尾再講，我自己無買太多call，因我前晚已買了TSLA及蘋果AAPL。
當日我沽咩，前晚我就買咩，昨日未升，我都已經同大家報告咗tsla。到了昨晚，新能源汽車股亦持續走高。Tesla的Model 3暫時係中國最受歡迎的電動汽車，在中國的8月銷量環比都升7%。隨著上海超級工廠二期工程投入使用，預計年產量將增至30萬輛。媒體預計Model Y在中國的本土化生產最快11月份開始，在中美磨擦下，中國歡迎這位老外elon musk，政策可能儘量開綠燈，而鋼鐵俠亦都唔會太戀棧共和黨話事及自己出頁岩油的美國(通常都對環保不利)，兩者造就特斯拉在中國主流汽車市場的影響力。補倉盤刺激Tesla升10多巴仙，我尋日都有講在339.5美元附近收集。長短皆宜，短的option食之，長的正股揸多陣，都會搵位食。
兩個原因，1.上面蟹貨太多唔敢揸太長，打住遊擊先；2.另外蔚來(NIO.US)，小鵬汽車(XPEV.US)，理想汽車(LI.US)，都唔係升得好勁，未能夠做到整個板塊急升。只有Nikola (NKLA.US)會留意，手勢有點與別不同，但要等，我估計起碼等多一兩個禮拜先至有機會出手。
Nio li xpev 又唔係將來一定唔買， 不過短期就一定唔諗，在資本雄厚的大型科技巨頭和中國地方政府支持下，新興汽車製造商希望顛覆汽車行業，即蔚來、小鵬、理想和威馬，合稱“Fab Four(披頭四)”。這四家公司都能與Tesla共存於一個板塊佔一市場份額, 中國已經是全球最大的電動汽車市場，並在最近的低迷期後似出現向上的轉捩點，但係我要等時機，既然已經買咗龍頭tsla，唔急於買龍尾，美股，講多句，我也買了郵輪股嘉年華CCL，可惜，現在小蝕2巴仙，小艇中。
論板塊近期最多口水莫過於餐飲股，我昨日提了大家，太興比家樂快活好，市場比面，真係有燒味食，內地的，飲飲食食就冇咁精彩，隻＃9633農夫山泉我昨日都有講只是象徵式買來放長，並不特別看好，所以沒買多少，其快速加入恒綜指數，成為指數股，我只係好運，雞碎咁多，沒賺幾多錢；百勝今次回歸可謂食正內循環條水，但市場唔太畀面，我又覺得冇咁差，除百勝外，影子餐飲板塊3大前鋒剛好由高位回落完成調整，剛加入北水系的#9922九毛九，昨日已經唔跟大市跌，邊爐三寶之一#6862海底撈升2%，今年的逆勢擴張將奠定海底撈未來幾年更高的增速; 最強湯底#1579頤海國際50天已有支持，連跌幾天，我都守著，希望今日反彈，坐得舒服啲。
合生#753，我就賺得不錯，頂反頤海條數，始終內循環，除餐飲外抖一日又上過，停車場我走了一天，昨日已買番半，如再調整一下再上，會再買，至於微盟#2013，重注左就坐艇，如今明兩天是但一日再陰燭穿昨日底就拜拜先，等機會先再入市。
航空股我同大家講左好耐，都賺得唔錯，中間走過一見陽燭就入返，唔敢走漏，除咗炒疫情後復市，國際油價下跌也是另一因素，除了航空，亦帶動了航運股, 前期龍頭#1919中遠海控再度發力，底部的#2866中遠海發也順勢跟隨。除了油價因素，基本面亦在改善，貨運訂單出現明顯回升，尤其是在6月至8月的跨太平洋航線上，聽講話係由於供應商會在購物旺季提前運輸貨物噃。需求改善、運費反彈、燃油成本降低多重因素帶動航運股走強，買股我鍾意買升得多嗰啲，大家自己對號入座了。
最後講返大市，點解咁樣同Calvin講，因為期指今個星期暫做了枝陰燭，仲跌穿數周前低位24150，要逃過下跌浪，再跌就係危，必須做陽燭，方可繼續反覆向上，今個星期期指開24679，在24250昨日開市位附近，又剛剛跌穿24150，搏危前機開call，博試番24679，已經有曬值博率了。
士佳說 - 張士佳 舊文
來源 source: http://skycheung.weebly.com
