【#士佳說 】張士佳：雜炒
【#士佳說 】張士佳：雜炒
讚好臉書專頁
上星期五叫大家收細注碼，只係對些熱點下注，避開最大市值熱門股，最細市值夢幻股，只買熱點，皆因美國亦在鬧劇之中，唔低不要買。
選舉期間，消息滿天飛，特別是關於TIKTOK交易，一時一樣，很多投資者都未習慣，其實雖然亂，
中間卻是亂中有序，周五我教書時，看到TIKTOK及WECHAT將於20號下架，美股開始下跌，我都即場同學生講，侵侵一定縮，其實由佢第一次選到現在，佢都係講就大聲，做就小小，然後當大家以為佢 得到少少著數算數，佢就做2.0，搵完一次著數，搵第二次。果如是，佢又突然在昨天話批准了甲骨文與TIKTOK的合作，增加幾多幾多職位，收了50億美金教育基金捐款雲雲，納指好似有春光鴨，由117xx 升返上119xx，其實單野對侵侵，字節跳動，甲骨文，沃爾瑪都好，必定通過喇，不過，通過大家又不用太雀躍，正如我上面咁講，通過後又會搵下樣著數。
只要亂而有序，在QE中，就不用擔心無遊資，熱點有得炒，但要同大盤唔相關，避開一些大家成日講嘅主題，例如中概股或ATMX，變咗有啲雜七雜八。不過唔緊要啦，投資都係想賺錢啫，雜有雜炒，上禮拜話贛鋒鋰業#1772，受惠電池日，不過就要在TSLA電池日前離場，結果大升一成，電池日拿不準對#1772是好是壞，對比亞迪#1211都係，所以現階段，我前者食，後者只持有，伺機食，反而對TSLA相關，但周邊Ｄ既，福耀玻璃#3606有利，我手頭上無，我等回調TICK高買或破頂買，反而持有另一隻福字派玻璃，想回一回再加，太陽能玻璃好勁，#968信義玻璃都勁，同#1772都係配股後唔跌。
另外，給大家參考的#856偉仕佳傑，繼續發力。總之，芯片，雲，軟件，代工都唔錯，富智康#2038上周五就升6%，多次回購，又有印度項目，谷到行，但癡實250天線，等征服了250天線再講。
硬件代工好易受侵侵影響，情願搵Ｄ二線Ｄ既軟件股金山#3888，股價似仲有得炒，講開有得炒，好多人有中伏SAAS股微盟#2013，我都老貓燒鬚啊，如陰燭跌穿11元，就到止蝕位，如果要CUT，我照CUT，不要同股價講理由，但我唔忿氣，等信號會再入。
上次視頻講左體育用品要留意，因疫後大部份人都係買波鞋波衫，話口未完，李寧#2331破頂，呢個係一個超長既消費大趨勢，李寧納入CORE持倉都唔怕，唔太理佢短期升跌。
最後，漏左講先前提過既寶龍一族，#9909及#1238兩隻都升到爆，上星期五收市時食了，未食又唔洗太擔心，今日都得，唔係唔鐘意，特別前者，只係不能太多貨，或走了其他後，等回少少再買番。另，亦情願拎少少出來博與大市唔相關的另一寶字派金融等佢回一回，破頂再追。
士佳說 - 張士佳 舊文
來源 source: http://skycheung.weebly.com
