士佳說 - 張士佳 2020年9月25日
【#士佳說 】張士佳：跌到幾時？
【#士佳說 】張士佳：跌到幾時？
期指由星期一24579跌至星期三的23505，三日跌了一千點，昨日還要低開200多點，大市可謂弱不禁風，嘗試爬逆水，博上番23505，雖然講明細注，但見突然十分鐘升到彭彭聲，以為得咪。
都幾開心，點之二三百點升幅，半小時後已變成泡影，張call可以收工，call可以走，但我估計這二百點應綁住左一些炒股人，所以原來淡淡地既我，更加淡。
淡還淡，始終四日跌了1400點，即5－6％，以指數計，算多，有小反彈唔奇，23568有阻力，向229xx反向機會大，不過上chok下chok，指數做好做淡都唔易做，參考一下算，反而港股在高位散貨，形勢就易睇得多，小米美團一日跌近5%，絕對不能輕視，反而匯豐有小支持，強股跌弱股升，唔係好現象，加上新經濟的#2013微盟，#8083有贊繼續跌，似基金強手在出貨。
我在節目重申，市跌水緊之時，市場先生現實起來，無咁浪漫，我先前叫減到超細注，就係呢個原因，現在市場正逐步落實以上想法。
大家問跌到幾時，咪就係跌到無咩人問之時，而家仲咁多人問，係捨得走與唔捨得走之間，所以先前我叫走，情願等佢當頭起有番入市信號先玩。
In the mean time，做多些功課，昨日#3333恒大傳出重組，否則資金鏈斷裂云云，期後發聲明為揑做，搵食難，市場就多古惑招，不可不防，睇圖用信號睇真錢炒，比消息可信。其實，近日一線內房股價表現非常個別，有些在250天線以下很久了，有些則高高在上，例如我愛股#754合生，由初次買入$12升到現在近50％升幅了，整個板塊唔係好，個別獨好，我都係留一線，按近$18食d食d，減持一半，坐得舒服些，好像#754這些，市場唔見好多，有三個系都似，應該在大市調整後發力，三個中一個都夠，大家不妨發掘。
市道低迷，情願做功課，留意好股走低，識於患難之時，遠較突然好消息高追市道差，好消息往往係被人出貨的機會。
士佳說 - 張士佳 舊文
來源 source: http://skycheung.weebly.com
