士佳說 - 張士佳 2020年10月19日
【#士佳說 】張士佳：遊擊雜談
【#士佳說 】張士佳：遊擊雜談
上週市況繼續好轉回升，不少舊經濟股都從低位回升，引領大市。不過期指嘅週線圖雖然連續三週陽燭回升，但都出現上影線，反映市況仍是反覆。
最唔喜歡的是主要上升動力來源來自內銀，呢啲股基金經理都手上冇乜，一話停止讓利之後，低估值就突顯左優勢，導致大機構既熱捧，所以我先前講，我十年都唔參與，今次都可能會買，但近兩日的升幅已經超額，不要預期太高。調整的時候介入會比較穩妥，我就繼續望下先。
噉點解唔喜歡呢種情況，因為既然基金經理手上冇又冇乜新錢入，祇有棄舊愛先至可以買到，所以你見到一些升得好地地嘅股，會突然間有啲走樣就係，因為佢地在市況唔明朗之下走啲升到過曬火嘅去買 d跌到過曬火而又有好消息嘅內銀股。我自己都有幾隻走位，雅迪#1585就係其中一隻，冇預先計畫走，只係見佢跌穿我嘅走位水平，就照做及同學生即時分享，不過呢隻遲啲一定會買返。
講埋汽車股，美股週五Tesla唔給力，比亞迪#1211業績前調整機會大，筆者雖然冇比亞迪在手，覺得反而是好機會收集，只要電動汽車板塊動力還在，比亞迪及長城汽車#2333（手上得返四分一）都係不二之選，吼低位進場。始終新能源汽車銷量節節上升，行業的景氣已經來臨，至於#175吉利汽車，我一直都無睇好，繼續睇好#1211，#2333再加兩個轆就算。
ATMX個股及恒生科技指數上禮拜四出現左較大的突發調整，似係趁低吸納的良機，#700騰訊在550周邊蒐集，淨睇圖表14號能夠大成交陽燭升穿破頂，能夠一舉沖破之前橫行收集區及8月尾9月的島形頂蟹貨區，此動力非凡。
深圳特區的大力發展，科技龍頭公司騰訊擔當起重要角色，配合騰訊的生態圈業務及手遊發展，日後股價應可更上一層，所以我選擇長期持有。至於#3690美團，其實策略概念也差不多，逢低於260周邊收集，美團受國際事件影響較少，疫情宅在家對各產品的外賣到家已成習慣，配合國內旅遊消費大爆，唔似跌得多，我272元吸走1/4，現在坐緊艇。
#1810小米集團上週五仍獲淨買入6億幾港元，唔太受調整影響，股價硬淨。雷軍話未來對「硬核技術」佈局主要包括相機技術、屏幕技術、無線充電技術以及人工智能等，我都分唔清佢講乜，總之就係呢啲經濟下行週期做發展，冇咁受週期影響噉啦，我暫時無持有，今日陽燭升穿23.55會買，最後到#9988阿里雖受螞蟻IPO消息影響，但美股BABA 股價不跌反升，週五爸爸極速反彈度到293，似弱還強，但我估唔到#9988在螞蟻上市後的上望空間還有幾多？錢又唔夠多，唔買散戶致愛#9988，其實散戶最鍾意攞ATMX嚟短炒，我反而覺得幅度越嚟越窄，唔長渣都唔好諗。短炒，我揀左#327/#520/#874/1171，今日#1929好消息，AO走半先，今日陽燭先至買返。
今日留意一件事，港股今日實施改良開市前時段，如9：15後可輸入競價限價盤，及9：20至9：22新設隨機對盤時段，炒友可關注一下。
最後講一件好得意嘅事作結，上個禮拜我做咗一日即市視頻，有位朋友話跟我買#1801及#8083，問我點處理。習慣上，買咗幾日無乜點處理，當時微微跌，過左兩日已經創歷史新高，其實大家可能唔明白，買咗的好股票都賺5到錢，最大嘅敵人就係自己，要贏錢，唔應該睇得咁短線，尤其1801與8083，都分別喺自己嘅領域週期唔好之下能夠脫穎而出，你賣咗佢啲錢走去買乜，唔通買返啲衰嘢咩。而家升咗上嚟賺到錢了，你想點處理就點處理啦，我就好簡單，唔處理。
士佳說 - 張士佳 舊文
來源 source: http://skycheung.weebly.com
