士佳說 - 張士佳 2020年10月7日
【#士佳說 】張士佳： just call me Hugh ,Hugh cheung
【#士佳說 】張士佳： just call me Hugh ,Hugh cheung
如果前日是小豐收，小確幸，那，昨日是大豐收了，可能粉絲見到這些豐收信息有些習以為常，甚至有些膩，無辦法，我都係踏實地囂張。
升得最多，自然係高偉電子#1415，我八月已叫大家睇佢，就算未計尋日升38%，推股至前日都head住利潤，只不過昨日狂飈，所以我都唔明炒股人點解仲要搵d衰股博彈，唔係搵好股博升。不過，我自己都食唔曬，昨日一開4.6x，我已食曬，中間回落，我還以為炒完，期後再上4.66我先買番，再斬四兩，到收市食半，其餘繼續上望。
福萊特玻璃#6865升得太利害，玻璃升到變鑽石，我玻璃時買入，鑽石時賣出，可能佢仲有得升，我唔知。最初入到現在，五個月升了五倍，知足了，反正我都買了中國高速傳動#658，風能設備市值最大就係佢，我吹吹風算了。
手上持股好多都升，前兩日，我話ATM中，我最LIKE M ，美團#3690尋日跑贏曬，外賣數據有支持，我都話會受惠黃金周，畢竟大家出街熱鬧完，都習慣了在家，不要睇小「習慣」的威力，黃金周飲食股周黑鴨#1458，炒上後回落，我無理，繼續等破頂，相反，火鍋三寶我見好已收。
好，講啲我手上冇嘅，#354中軟升9%帶曬SaaS概念 及一眾軟件股上黎，工信部話頭八個月軟件業收入增10%近5萬億元。#3888金山軟件，#2013，#268金蝶國際都升，我手上已經冇，等大市回落再出飛機（質變）才跟進。另外新股#909明源雲， #6988樂享互動也升11%創新高，這兩隻新股升都係在線產品收入和電商營銷推廣業務收入增加所致，新股樓上無蟹貨很容易被炒上，大市風雨飄搖，就經常炒新股；前者一早話你知要持有，暗盤到而家升了六成，可怕嗎？繼續持有。後者我就冇買，回一回再破頂，就會炒一炒。一直揸一隻炒要分得好清楚。
仲有果d車，咁多人鍾意175吉利汽車，我就買都冇買過，淨係買2333長汽同1211比亞迪，跑贏成條街，不過兩隻我都會搵陰燭獲利，尤其是比亞迪TSLA 無力，中國tsla也要跟隨，所以我走埋＃1183，不過會留意番下游#1772贛鋒鋰業，睇返資料，中國鋰需求強勁復甦，但供應未見增加，國內及歐盟電動汽車市場的需求持續增長，將令10月的碳酸鋰庫存急劇減少，鋰價可能進一步上升，不過我就未上手，等出現飛機（質變）先關注。嗱！未大升已經提大家做功課個喇，不過就唔好爭住入，因為個市都未穩。
就算這些股升得好好，暫時我都不為所動，因爲我要堅持一邊升一邊減手上持倉。入兩隻走三隻，唔係我睇得淡，係風險管理，大選前，我都話唔會輕易加倉，升→食，升→食 是食在當下，就好似侵侵出院，尋晚升得好好，跟住侵一句唔同民主黨傾援助計劃，市即插，太多消息了，不值得加注，繼續睇多兩日肯定先，in the mean time，食在當下，打遊擊不是更好嗎？
士佳說 - 張士佳 舊文
來源 source: http://skycheung.weebly.com
