士佳說 - 張士佳 2020年11月10日
【#士佳說 】張士佳：邊會無人知
【#士佳說 】張士佳：邊會無人知
尋日我寫拜登贏左，結束瘋狂的四年，可以重新聚焦「正常股」，大家可能會想疫情未走，何來正常，話口未完，晚上傳來疫苗出現曙光，我當然無水晶球，但圖表的確早已有「蹺蹊」，拜登贏了，對5G，新能源好，合乎情理，但香港股市整體利好，好像林鄭成為美總統一樣，7日升2千多3千點，6日三個大上升裂口，拜登勝了，只係清除不確定性，因咩事全面上升，答案只有一個，就係有個好大的利好消息，只係我地唔知。
咁到呢刻水落石出了，大家可能會話事前無人知，咪傻喇，事前做了過百次過千次的科研實驗，點會無人知，點會唔做定買賣，只係一般人唔知姐。
無論點都好，昨晚Pfizer與BioNTech話研發的疫苗對預防新肺炎九成有效，係人類的好消息，致使美期道指一度升1610點，沒錯，這是對人類的好消息，但投資市場是否就真的很直接呢？
消息出後，我8:02廣發新聞與學生，好多學生都同我研究點做，我做的主要係揸標普沽納指，這是第一反應，風高浪急，chok 都chok死，只有做穩當的，眾所周知科技股受惠疫情，疫情受控，第一反應是科技股獲利平倉，但又怕大市癲升，所以揸點標普，大市果然癲升，道指最跨，曾升1610點。
中間有些群組的學生們討論得幾熱鬧，有些研究買咩好，有些在講明天（即今日）港股買咩好，有些問我是不是可改打陣地戰？有些就話好快可以去旅行，我自己就買了CCL及組員心水Expedia，直至9:54，我即時開始在沸沸揚揚的熱烈氣氛上灑水，我話唔咁關香港事，我忙住炒黎炒去，寫不了咁多，但一看就明是潑冷水，無巧不成話，夜期20分鐘後見頂，從24875跌至今日應該開出的244xx水平。
我呢個message時間岩岩好，係咪咁岩得咁蹺，我等大家得閒ｄ，搞掂今日個市，聽日透過直播同大家講。
世界秩序開始慢慢恢復正常，但不是一下子的事，而中國香港早已無大量確診，所以受惠無歐美咁大，所以美股將有扭轉的機會，而港股受此消息影響應較細，我自己睇如果今日收唔高於26791，都無太樂觀，炒住股先。
再講，疫苗就算有，都無咁快到，一年半載閒閒地，中間又可能有疫症新高峰，所以不要掉以輕心，就算有無疫苗都升的才是好股。
前兩日兩隻SAAS股#3738與#909唔知留邊隻，好多人問我#909，我就同大家講留前走後，昨日#3738升差不多四成，#909跌2%，我無揀錯，但我唔係唔中意#909，只係資金炒緊前者，我炒住先，#3738今日獲利一半，才等#909陽破頂買，都已經著數了太多。
先唔好講買乜買乜處理咗手上嗰啲先#960昨日都平左倉，賺得少少。
雷蛇#1337就賺得多，繼續坐。此外中港股市特別是a股成交放大，我比較留意受惠的#6099。
講到好股，最近有邊隻股500億市值以上，連升6日兼陽燭，一隻係上述提過的#1999，沙發股同大家講左好耐，我今日會食一半，另一隻半新股等調整，我會落車，再陽爆頂回補。
至於疫苗帶黎航空業復甦，航空股都靚，但唔知會唔會受油價上升影響，#694，#696受惠，但又唔關油價事，大家可做下功課。
講唔到咁多，聽日中午睇直播，再詳細講。
士佳說 - 張士佳 舊文
來源 source: http://skycheung.weebly.com
