智取大市｜港樓變成「林鄭市」（晉佳）
林鄭月娥今時今日拋出十年31萬住宅供應大計，篇幅水蛇春咁長，意氣風發，一改上年作風。以前《施政報告》拋出呢個大計只會覺得係假大空，而家觀感同兩年前比較，確係完全不同。而家立法會議員話DQ就DQ、選舉話延期就延期、律政司話告就告、話撤控就撤控，「明
日大嶼」亦會話過就過，實在睇唔出所謂簡化發展程序、收地難度會更高，只要政治正確嘅話。「好打得」嘅林鄭可以講得咁大聲，證明佢有再次「打橫嚟」嘅準備同把握。
林鄭大大聲話有31萬住宅供應，到時真係會有31萬？唔一定，潛台詞係樓市將變成行政主導，一改大市場、小政府玩法，係31萬？21萬？定係11萬？就由政府去「宏觀調控」，有辣招再有埋控制供應，樓市背後就由中央話事。咁嘅情況下，你想佢大升，好難，想邊個去賺？亦由中央分餅，至少唔會係外資太古，太古呢類「小市場」嘅參與者，押注太多喺香港，實在難以「安心出行」。
不過，高樓價係唔需要變的，冇人想佢爆煲，中央亦唔需要令樓價低太多，因為未來自然可以有「優惠中資價」。總之利益集團想要保留嘅、係佢哋命脈嘅嘢，始終會留得住。
-----------------------------
掌握理財智慧 感受生活品味
investMAN全新網頁 優雅登場
-----------------------------
部署退休 輕鬆達至財務自由
點擊即睇《退休理財天書》
-----------------------------
【全球樓行】 Dream House零距離
屬於香港人的移民攻略
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
智取大市 - 晉佳 舊文
來源 source: http://hk.news.appledaily.com
