士佳說 - 張士佳 2021年1月12日
【#士佳說 】張士佳：靈活的堅持
【#士佳說 】張士佳：靈活的堅持
獲利回吐，終於到來，昨日大部份升得高高的個股都出現回吐，窺探原因，可以係美國光伏股下跌；美元走強；配股連連，但真正原因天曉得。
講原因都是馬後炮，知道原因，何不早點預告？我知自己唔會知，能做的只是事前控制注碼，昨日期指上衝到28198，距離我第一目標28264差幾拾點，回落到28050之時，我就同學生分享減注，然後下午跌幅加大，減了注，現金多了，下跌後有子彈撈，昨日3點左右，我也確實有行動。
現在是考驗信念的時候，先前你看多少，他看多少，鬥高沒意思，現在你猜呢？我猜會乘風破浪，但浪總是有的，個股再收低於昨日低位，我會減多些少，等反彈，反彈後再收破底，我再減，否則，就坐上去。
一直有人問我何時放棄打遊擊，轉打陣地戰，我都不肯轉，試想昨日不HIT & RUN，死坐難坐，肯定不好受。我寧可打遊擊戰，最多係靈活的堅持。靈活就靈活啦。堅持就堅持啦，邊有靈活的堅持架？睇你方法啫，試用下面有幾隻股闡述一下。
先以＃1951生殖為例，先前從$14炒到$16，係威係勢，我唔知可以去到幾多，估值？九龍城米舖信義誠啦。我剩係識見1月4日條BAR古古惑惑，等$16獲利一半，現在放止賺在$13.98如果不幸中止賺，就即約$15走，大跌都無咩損傷而已，呢D股不算主題股，我不會堅持，炒炒無妨，長揸無謂。
股有股的屬性，像#2331李寧，屬例牌高唔追，跌唔多怕，近年最怕那一次是2020年1月後，其他跌完都回升，以此股波幅計，昨日跌幅算大，反彈屬正常，如反彈後，收低於49.3先走都唔遲，我最近一注在突破$47.7買，升後有減一次，就算今次收低，無咩所謂。呢啲股係屬於今次牛市值得堅持嘅，就算只止賺了，都係係風高浪急之下，先避其峰，我會等型變(蕉皮）或質變(飛機）再入市。
又好像汽車股及汽車零件股，前者我唔敢堅持，最近事故頻生，tsla有自燃，長城wey又有，君子不立危牆之下。反而後者零件股我就比較勇敢，如果唔係都唔會尋日坐到558，1211屬於半零件股，反而受惠。
光伏股也是我會堅持的對象，昨天跌得利害，但光伏股是我看新能源的核心，收低於昨底，我會止賺一半先，等反彈再收穿底才平倉走位，但都只是走位，要再入番的，對於某些股，我係保持靈活的走位，堅持的信念，靈活的堅持！
士佳說 - 張士佳 舊文
來源 source: http://skycheung.weebly.com
