有數唔好找呀(二)
當年，一位前輩同事，Art Based的CD，因公司改組被裁，自己出來開了公司，得三個人。
他還未被裁時，久不久他會有些freelance job醒我。見他半山有層樓要供，兒子才1歲，創業又難，我說有job你搵我啦，冇錢唔緊要(又隨時要pitch冇米粥)，唔使計，有錢
、你方便才給我吧，幫得就幫。
於是放工有時會上了他公司收brief、度橋、寫copy。
有次夜深上去，他正在寫支票找數。才大學畢業後不久的我，他覺得是𡃁妹，可能覺得我有點「義氣」，便袋錢入我袋：「嗱，記得，做完job，即刻開單，唔好等，好多衰人都拖數嘅。你有咩supplier數，千祈唔好找住，咪你個客唔找數咪蝕死你！」
哦。「仲有，到你收到票喇，有數都唔好找住呀，自己袋嚇先」，我露出「唔明」的樣子，他續說「錢，梗係留喺自己度好啦。」
嚇……袋多陣做咩？我不認同，但寶寶不說。發誓不要做這樣，到期找數上等人。
廣告人語 - 畢明 舊文
來源 source: http://www.am730.com.hk
