士佳說 - 張士佳 2021年1月21日
【#士佳說 】張士佳：預早得知「爸爸回來了」
【#士佳說 】張士佳：預早得知「爸爸回來了」
昨日已經係3000億成交的第二天，本欄粉絲應知我唔係揸100%貨，每日都靠持貨爆再加即市，尚幸每日都超額完成，昨日市場又大爆發，憎人富貴厭人貧的HATER一定等機會踩一腳，不好意思，令佢地失望或失業。昨日小弟大滿貫，比100%貨賺得還要多多。
我早上10:19分已同學生分享「爸爸回來了」，應該係全香港最早通知馬雲回來的媒體，實際上，馬雲當時仲未露面，大家以為我收料快，但其實一圖在手，能猜天下事，這次不是玩票性質，馬雲露面消息還未出，我叫學員不妨平掉部份股票，將資金放在阿里巴巴衍生，騰訊衍生，結果LUNCH時，馬雲路面消息一出，lunch回來9988狂升，有學生OPTION更賺了幾倍，喜汽洋洋。其實，我在本欄及媒體先前已透露，9988開始不錯，待調整，再突破可買上，昨早正正係突破，加上早段盤路變化，我猜「爸爸回來」錯曬有限。#9988阿里下跌已久，本身低估值，純受螞蟻事件困擾，受到市場追捧，馬雲又沒露面兩个月，一個視頻已經激升到270元，收市仍有265元，其股值有望被重估，如果馬雲事件真的告一段落，阿里巴巴係最被低估嘅平臺股，可以有排升，暫時睇嘅都係呢件事件真正落幕嘅時机。TMJ等平臺早前亦受累，現出現曙光，直時爆升，昨早我已提水話吼的龍頭#700騰訊也受到熱捧，而且騰訊音樂也有迴歸港股二次上市的預期，所以其價值依然算低估，隨着再升就是#3690美團已到369元，昨天TM的飆升都是被南下資金鬥搶出來的，現在剩#9618京東未破位，手足！快上來，ATMJ齊齊上呀！
昨新能源汽車也一齊反彈，拜登支持恢復對電動汽車的激勵措施，拜登希望創造一個強勁的電動汽車市場，並確保工人擁有製造電動汽車的技能。耶倫亦話，電動汽車是應對氣候變化、爲美國人創造良好就業機會的好方法，現在微軟又話做車，但大家不用擔心，個餅太大，點都分唔曬。
注意#1211比亞迪昨天收市後落實配股，折讓6.6%至9%。由於早前已公布消息，市場並不感意外，加上發展就梗係要用錢嘅啦，如今日能守穩配股價，不排除繼續向上，今日睇即市訊號決定出手時机。
市場已經升上去了，A股的步法一向是強勁單邊，而港股波幅已被A股化，走出趨勢之後短時間會好急勁，即係一係夾升到你唔信，一係就跌到你傻。港股能夠一枝獨秀，要多得北水效應，港股一月喪升後，AH股溢價已回復至較正常水平，但同時要明白這是雙面刃，來得快，去得也可以快，應付這種瘋狂市，學生用返我教的「csg牛熊策略」已可輕鬆面對；粉絲們則要特別保持警惕，現在提醒市場超買，投資者亦沒甚感覺。突如其來的調整，唔知幾時嚟，唔調我本唔想火上加油比冧把，但都知道，有些新粉絲係，冇乜貨在手，與其亂咁入，不如俾少少參考，所以與同事寫下列給大家研究下，不過我都提返佢個市咁好，係噉升嘅時候就乜鬼都好，乜鬼都升得有理由，到個市調整嘅時候，就自然浮現下跌的藉口，大家睇還睇，唔好無限上綱。
#285比亞迪擬分拆的子公司比亞迪半導體，已接受中金公司的IPO準備，亦有指比亞迪和華為已經開始合作開發麒麟晶片，很快有新突破。消息再度炒起3日由40升到你吾信到54，非常厲害！似足當日981嘅走勢。
我幾時做節目都話炒汽車零件，你諗下咁多車廠造車，車雖然未賣但係點都要零件，如#1057浙江世寶和#1316耐世特。還有就是鋰電池的#1772贛鋒鋰業大反彈並直接再破頂,近期碳酸鋰價格再度上漲，汽車零件電池原料供應緊張是大趨勢，仲有幾隻模具股點解會升？其實都係供應俾電動車。
再來看相對A股比較稀缺的品種，如醫藥類的龍頭大部分都在港股市場，今天#460四環醫藥因近日神經系統藥物獲批大升了43.48%，#9926康方生物攜#1177中國生物製藥發佈治療晚期胃癌及晚期肝癌的最新研究報告。直接掀起了板塊的熱潮。其中最猛的還是創新藥類，如#3759康龍化成、#2359藥明康德、#2269藥明生物、＃2126藥明巨諾，#1801信達生物等，這類已經形成了慢牛之勢，#2162藥明巨諾，就未必慢了。
而新興業態的互聯網醫療類屬於行業新貴，昨天表現尤其突出，有機構預測#241阿里健康的收入增長能達到60%以上，#6618京東健康同時涉足線上醫療和藥店，其滲透度、淨利潤增速和淨資產收益率都比同行更高。兩者都被暴力拉升接近15%，其實市場資金也在尋找及在追趕落後，阿里健康及京東健康時間上情理上是最恰當被追落後的目標。
士佳說 - 張士佳 舊文
來源 source: http://skycheung.weebly.com
