智取大市｜微盟做王者恐未夠班（晉佳）
微盟績後股價大跌18%。圖為微盟主席孫濤勇。
3月初股市出現短期單邊跌市，其後預期進入反覆階段，未見方向之下，聚焦業績期好過。啱啱微盟（2013）績後股價大跌18%，下半年收入只按年增長3.4%，固然嚇親人，至於佔整體收入大約四成嘅SaaS收入按年
升43%，夠唔夠撐住整體市銷率16.7倍嘅高估值？
SaaS業務低基數之下，下半年客數上升一成未夠理想，致命傷係客戶流失率同時上升。再一次證明背靠騰訊（700）嘅微盟執行能力未夠好，喺贏家全取嘅新經濟大趨勢下，執行能力唔好就有輸掉整個江山嘅風險，好就好在早排股價爆上令佢成為明星股，提升品牌效應同知名度，仍有助未來上客表現。問題係，近乎完美嘅估值去買有執行能力高風險嘅嘢，長線你敢唔敢博？
周四資金衝入近期反彈唔多嘅新經濟龍頭，以上落市預測作為前題，暫時相信高估值股難以一條氣炒上。此消彼長之下，近期強勢嘅低估值績優股回吐。豐盛服務（331）早前公佈中期業績，盈利升1.3倍，股價爆上再整固，而家年度化市盈率都只得3.4倍，仲有每股1.2元淨現金墊底。豐盛服務主要做機電工程同物業管理等等，舊年受惠疫情，加上新收購收入貢獻，令其收入半年14%，毛利升48%，行政開支下降之下，經營溢利升1倍，表現理想，股價亦受追捧。
豐盛服務過去收入盈利表現穩定，即使最悲觀情況下，上半年度亮麗表現完全keep唔住甚至打回原形，市盈率7、8倍都唔係貴，具備長線價值。
晉佳
-----------------------------
掌握理財智慧 感受生活品味
investMAN全新網頁 優雅登場
-----------------------------
點擊即睇《Bitcoin投資入門手冊》
一書盡覽新手必讀資訊
-----------------------------
【全球樓行】 Dream House零距離
屬於香港人的移民攻略
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
智取大市 - 晉佳 舊文
來源 source: http://hk.news.appledaily.com
