士佳說 - 張士佳 2021年4月12日
【#士佳說 】張士佳：陰乾
【#士佳說 】張士佳：陰乾
過去一個星期雖然只有三個交易日，但走勢都幾重要，假期回來後的一週能否保住之前的升勢都幾關鍵，長期粉絲應該估到我持否定意見，結果假期前升六百幾點, 假期後後跌了240點，成交金額縮到好細，大市chok上chok落，一上到29130左右，兩次都被即刻沽落嚟，唔畀再上。
整體唔好又唔算太差，就算星期四 #700騰訊的大股東減持驚嚇消息大市卻可以收升3百幾點。北水更連日來日日買上撐住股價. 另一方面如果看升的，大市又唔夠好，29130連續兩枝大陰燭，週線又收陰燭，週線上沒有承接上假期前的升勢，證明資金很不進取, 沽壓頗大。
中國自二月份後開始收水，每日的逆回購只為到期的再延續，變相淨投放是零，並沒有新資金投入到市場。而且最近又開始對銀行的資本門檻有所要求，如放貸業務不能進取。在美國放水，中國收水之間，香港的角色是十分矛盾，結果就是跌又唔得多，升又升唔起。港股的走勢與外圍不斷地跑輸，所以要分開炒。
唔上唔落，我仍然都係揸住遠價遠期put，去揀股票。先前都同大家講，近日我都少理少掂ATMXJ。週末 #9988阿里爸爸 被罰183億人民幣，其實股價一直唔上唔落就係等這個終極懲罰，可以用錢解決到這個不明朗因素, 其實已經很化算,。當然，是次的矛頭指向的主要是阿里的營運手法，仍有金融架構方面的問題未有處理。令科技巨頭未來的發展更綁手綁腳，但跌到咁，連芒格都話係value stock，留意即日日線圖lego候低吸係正路。
手上最熱當然是先前同大家提的#568山東墨龍，持股5%以上股東智夢控股於4月7日通過深港通累計再增持公司股份, 更不排除還會進一步增持，很明顯就是資金搶上。連續兩日已經升超過40%就沒必要高位去搶，反而食些等回到3.0附近再睇，唔回就將剩下的一半放紙鳶就算。
海運類的集裝箱這板塊似乎仲有得炒, 升一段然後回少少接力再炒, 睇隻#1919已經很神, 落后些少的#144 招商局我比較有信心跟隨, 還有#598中國外運, 應該都係慢升等破頂, 航運業風險相對比較細.
另外市場上成日熱議的芯片短缺，其實港股芯片類選擇不多, 來去只有#1347華虹半導體, #981中芯國際, #522 ASM, 但係前兩者太跟市況走, 買得不夠安心, 後者略嫌有點慢又大隻. 如果真係要博我會睇#354中國軟件國際, 有芯心概念, 又有軟件雲端及遊戲服務, 短炒一下可以, 因為趨勢性還未很確定。
而本港方面，5000元電子消費券料暑假接受登記，刺激本地的消費。不過從去年本港零售數據來看，超市及百貨公司的佔比較多，在連續5個月派發，每月一千元的情況下，相信情況仍會持續，利好商戶及商場營運者。反倒是4種支付的方式中，香港電視 #1137 HKTVmall未有相關的支付方式，或未能受惠。
講開消費，6811/178/1830/3998都唔錯，消費大家一直講係海底撈九毛九，唔知大家覺唔覺，呢啲股我已經唔提咗三個月，反而波司登 #3998 發盈喜，料截至今年3月底止，2020/21財年盈利將按年增長40%。此股食正復甦概念之餘，先前跟訊號買入，大家以為剩得羽絨服業務，其實公司正轉型中，還有貼牌加工管理業務及女裝業務等其他業務，產品線正在擴展中，非獨沽一味。另外，必瘦站有財技，再配合醫美大趨勢，投資可以力排眾議，投機卻一定要緊貼潮流熱錢。
士佳說 - 張士佳 舊文
來源 source: http://skycheung.weebly.com
