士佳說 - 張士佳 2021年5月26日
【#士佳說 】張士佳：有野見了底！？
【#士佳說 】張士佳：有野見了底！？
“在這種氛圍之下，值得留意主要是一眾科技股，騰訊再挫一挫後回穩，美團亦見270有支持，連京東爆冷無染藍都可以守住10天線，足見科技股低位有支持；金融股友邦都守得好稳，匯控繼續高位橫行等突破，內銀股似乎轉強，都促使指數跌吾落，如果外圍及A股有消息利好，後面的走勢可以相對順暢，在這個時間點不妨進取些，按當炒板塊及優質股票基本面圖表信號來順勢炒一轉”
上面呢一段係尋日未開市所寫嘅士佳說，我們近月都好少叫大家咁積極，通常都係叫大家保守啲，因為嗰時真係唔靚，但尋日我哋居然叫大家進取些，仲講明係戰前briefing，時間啱啱好，有時啲嘢得就係得，唔得就係唔得，無得抝，希望你懂得好好把握。
港股承接外圍及A股升勢，開市已屬全日最低，以大陽燭創出5月最高點，對港股最大的鼓舞，還是內地A股有頗突破的發展，在人民幣升勢轉趨明顯下，外資對A股的興趣有所回升大舉追入大市值股份，大市全日成交亦重上1600億元。
內銀、內險與券商股造好，反映資金輪動炒作。券商被重視起來，我尋日未開始就已經提咗大家，其中提到的#3908中金公司就爆左上去，升近1成，＃6030都升六七個。最大證券商代表當然是本港的#388港交所，大升超過5%，升幅跑贏騰訊極之少見，慶祝新CEO上任。市場反似乎正面， 港股通成交額激增，其中，北向資金全天大幅淨買入217億元，超越2019年11月26日創造的214.3億元，刷新歷史新高。南向資金淨流入亦超80億港元，值得重視，要繼續留意。
一般券商啓動，銀行股、保險類都會跟隨，銀行股龍頭#3968招商銀行破頂，底部的#1658郵儲銀行似有資金在回補，#3328交行也不錯。美元弱人民幣今年穩步升值。保險方面，底部的#2601中國太保、及#2318中國平安#2628中國人壽都在積極反彈，現時有一定值博率。點解先除咗人民幣嘅原因之外就係因為A股，我覺得A股可能已見底，如果a股回一回再破頂就confirm，咁就會短期表現會比港股美股好，到時唔可以唔參與相關股份，我太耐無上內地，無炒太多A股，除咗買內險受惠A股上昇之外，我就偷步買左#2823安碩A50 ETF，未買齊，回完再上會再買，然後耐心地坐上去。
ATMXJ五大科網股昨重現動力。#700騰訊大陽燭升穿610，業績後一直被吹弱勢的騰訊，在2021年5月首批國產遊戲版號中，有遊戲在此次獲批，隨大市反彈，如陽穿613.9會逐步看好。#3690美團亦企好270，兩股都可以再睇睇今明兩天表現再決定是否入市Call，#9618京東等較弱勢的科技股就無謂買了，只炒兩隻強勢股就算，#1810小米獲美國防部放生後將重返富時羅素指數，股價造好，助力恒生科指收復失地，不過留意業績e，都係出咗先再追穩陣啲。
至於首季業績理想的#1177中生製與#1093石藥，業績純利收入錄不俗升幅，為一般傳統醫藥股打下強心針。不過股價經過近日急升後，昨呈先高後低，其實，呢啲喺個市唔上唔落嘅時候都力炒嘅板塊，可以叫做抗跌股，當個大市一上，第一站通常唔炒佢哋甚至獲利回吐，因為大把股在谷底，所以抖一抖係正常，但係我親愛嘅醫美股，有些仍選擇發力，就知道非同小可，密切留意。
今次升浪絕對不能缺少仍在谷底Saas板塊相關；#2013微盟集團配股新股，創港股saas再融資之最，達46億歷史記錄。市場buy，繼續買上要昅實.........其實，仲有好多股出了訊號，準備同學生吹，而家D學生群組，質素好高一日一千幾百個message，唔留返啲鎮山之寶，唔夠佢哋吹，呢度就寫住咁多。
昨日個市咁靚好多人問係咪要瘋狂加注，其實加唔加注唔係淨係睇個市，你仲要照下鏡，如果你大心臟，泰山崩於前而不為所動，噉你唔怕加；相反，如果加咗注，震兩震你就會止蝕的話，咁不如唔加，中細注坐上去，因為今日陽燭升穿埋尋日高位，升多壹千幾百點不是夢，但當中冇話會直線上昇，震都唔震，玩得好，保持一定注碼，直升上去開心，震返落嚟少少，唔驚之餘仲有子彈加注，就係近日注碼分配嘅格言，畢竟現在仲有好多靚股在谷底呢！
士佳說 - 張士佳 舊文
來源 source: http://skycheung.weebly.com
