士佳說 - 張士佳 2021年6月23日
【#士佳說 】張士佳：尋日開大食會
【#士佳說 】張士佳：尋日開大食會
長話短說，大市消息面唔算多，本週美國有不少聯儲局官員出席不同場合，人言人殊，影響市場走勢。
其中，鮑威爾為眾議院聽證會準備的講稿中提到美國經濟出現持續改善，但通脹最終可能會消退，曾為美股隔晚反彈，但港股昨日只能高開後回落，主要由於科技股弱勢，騰訊因國務院提出，金融機構要繼續減費讓利幫助小微企業降低成本，令昨日股價接近由頭沽到收市，影響恆指表現，我上次做sun channel，都對騰訊幾悲觀，估唔到一語成籤，但更估唔到嘅連#1810 小米都跌埋，atmx 中我只有1/3 美團，小米跌到呢啲水平，有興趣搵機會，博佢危前有機，但都係搵到支持先至算。
大市受科技股影響所以下跌，我未做對沖，但就選擇食食食食食，可能有讀者話個市跌成咁邊有咁多嘢食，錯了，我哋個D股好似升緊六百點咁，好多創新高，所以有條件選擇肥而噬。
個股係另一世界嘅第一個例證，係#8032非凡中國，都夠晒爆，1.1食半，到尋日1.2又食半， 宜家手頭上得返¼注，如果7月5號除淨前突然大跌我會買，否則，除浄後搵機會走埋¼。由上次sun channel節目到而家大市跌咗八百點，但我推呢隻股就升了五成，可想而知玩股票，有方法揀股係極重要。
前幾日我話最重要新能源，力推的＃6865福來特玻璃， ＃968信義光能昨日繼續上升，尋日話係爭隻＃916 龍源電力，市場好俾面，尋日都升埋，新能發電昨日跑得好好，連積弱嘅579京能清潔能源都升，呢隻股當然要小心啲，通常積弱嘅都升我就會食下強股，我走咗近半6865/968，換入市值較細嘅其他新能發電，呢個板塊有不少消息，美國正考慮禁止進口新疆多晶硅，有關禁令與拜登前任特朗普時的棉花、蕃茄及其他產品的禁令相似。
現時全球約一半多晶硅供應來自新疆，早前硅料水漲船高，令太陽能產業受成本影響，如硅料價格回落，有望令下游有關公司受惠；還有其他消息，龍源電力 #916 因近日公告合併現有A股上市的平莊能源，然後再申請在深交所主板上市，股價昨日大升。
不過最爆嘅都係醫療器械板塊，因內地關節集採方案出爐，入圍規則相對溫和，且有復活機會，相信降幅有望減少，令整個板塊起動，我先前有買＃1789， 無奈止蝕離場，尋日一起動，即刻上返車，冇咗個西瓜，好彩執返過木瓜，春立#1858就好好多，冇中止蝕，坐到停牌，升咗咁多，梗係搵位食，但成日都有講，醫療器械，係國潮嘅一種，集採唔對付，就有得炒，1302853，等會再買。
除咗新能源，油都係焦點，伊朗總統大選塵埃落定，新官上場後被指石油供應不會增加太多，消息令國際油價上漲，昨日三桶油的表現逆市造好，尋晚美股時段回落，等回一回搵支持關注。
士佳說 - 張士佳 舊文
來源 source: http://skycheung.weebly.com
