香港人憎亞視多啲，定大台多啲？
亞視雖然永恆，但到底是弱台，遺禍有限；大台，先甚麼立場都不談，就講作為一個電視台，劇集老土不思進取橋段forever翻渣，綜藝陳腐植入廣告硬膠，還要恃獨大驕橫，你話邊個討厭啲？
ViuTV新節目《調教你MIRROR》的title sponsor之爭激烈，贊助
費大幅提升，有心人比較一下，說「除開每集費用……比TVB王牌節目《愛．回家之開心速遞》」貴多少多少……
廣告商都跟紅頂白，邊個節目紅落邊個，定律。ViuTV節目報捷，可喜可賀，不過用《愛．回家》同《調教你MIRROR》相提並論有少少不倫。首先……er，我不會說《愛．回家》是「王牌」節目，最多是長壽，說到王牌，以前的《金枝慾孽》、《獎門人》就真是王牌了，印象中，獎門人特別版，單一集，可以收一整套節目的贊助費。
但廣告公司真的太welcome新台崛起，記得許多年前，某免費報紙因印量鉅大而稱霸武林，Media同事說他們的Sales「用個鼻同你傾嘢嘅」，態度非常唔志在。
現在，聽聞大台sales的人品，忽然全部變好，市場優勝劣敗真相，數字仲要解讀，睇sales屎同你傾生意的態度，先最真。
廣告人語 - 畢明 舊文
來源 source: http://www.am730.com.hk
