士佳說 - 張士佳 2021年8月19日
【#士佳說 】張士佳：識炒梗係炒異動股
【#士佳說 】張士佳：識炒梗係炒異動股
尋日A股市喘穩，港股有幸守到我講嘅位，但幾日跌成千點後先有小小反彈，上試26000點又不果，初步睇反彈又冇乜力，有點高不成低不就，睇多兩日先至算。
騰訊#700收市後公布上半年純利按年升13%業績吾差，但在多次監管下，業績表現已相對重要性降低了。整體來看，業績是交到功課，上季經調整盈利按年升13%，優於預期。因為本來去年同年屬疫情時期的高基數，大家都未有太高預期。當中以遊戲的表現算是有小小驚喜，收入按年仍升12%。
所以昨晚公布業績後，ADR的反應是利好的。不過，大家對騰訊都是高速增長的印象，查實本季按季的收入增長僅是2%，連同上季的按季增長也只是1.22%，今次手遊的按季表現更是再次負數。而且今次的政策調整較上次只有手遊業務的全面，可算是無孔不入，影響較深。
今次的業績公布後的反彈，可能只是焦點上的轉移，暫忘卻監管問題，但是在經營阻力加劇，騰訊的增長性相信已大大降低，在sun channel 三個月前$6xx我已經講，佢以前係咁買嘢，如果冇辦法分拆上市，就沒法回歸舊時的高增長，Pe就太貴，結果真係跌到現時的20多倍PE，現在只能算是fair了。
#175 亦都出咗業績，上半年盈利按年僅升4%，如撇除以股份付款的員工成本，盈利數字會變為按年升31%，市場受落，所以有些反彈，儘管公司已表明完成全年銷售目標「機會減低」，整體業績表現比市場想像嘅好，所以彈少少，下半年相信芯片的問題仍是公司增長的最大挑戰，但我仍維持佢上落市嘅預測。
券商及保險等金融股帶動托住大市，內地券商爆升有點奇怪，好多人都唔知升嘅原因，除咗內地每日成交過萬億，仲要睇埋關於劵商持有的基金公司，其大賺使市場人士憧憬券商收入增加，好多A股卷商同時升停板，加上美國證監會已經收緊了中概股上市的條件，中概股回流都對劵商有利，既然388就收到大行嘅沮咒，大家將熱情投到內地券商股身上。
抽水儲能概念股#1133大升，兩日前中綠崩lego訊號爆升(大家應該明白點解小弟三日前一話開班，瞬間爆滿，要開埋今年最後一班，唔好誤會我而家叫您報讀，我只係提你想學，只能Standby明年了）#1133買入時都唔知道咩故仔， 後來睇吓原來6月28日，金沙江白鶴灘水電站首批機組正式投產發電，計畫於2022年7月實現全部機組投產發電，而#1133哈電集團、#1072東方電氣集團分別承擔白鶴灘水電站右岸、左岸發電機組生產製造，兩日升四成，都唔好話港股冇嘢炒。
當中東方電氣#1072仲有雙重概念，之前同在sun channel同大家講過佢都有氫氣，而其他氫氣股#189 東岳及# 3899中集安瑞科走勢不太差，但#1072升咗咁多唔追，反而仍在底部的#2338 濰柴動力，值得望多兩眼，蠢蠢欲動，睇吓幾時升；同時間亦留意同燃氣股走強，#135 昆侖能源破頂， 而gap up 的港華燃氣#1083 都有機會，其中期按年增長三成，喺呢啲市況反而小注買落等得比較安心。
仲有幾隻異動股及板塊，睇下聽日做sun channel講唔講到。
士佳說 - 張士佳 舊文
本文作轉載及備份之用 來源 source: http://skycheung.weebly.com
