士佳說 - 張士佳 2021年8月30日
【#士佳說 】張士佳：培養盤感適其時
【#士佳說 】張士佳：培養盤感適其時
受到Jackson Hole會議前夕的影響，港股週五未有明顯方向。科技股在強力反彈後，週五再有消息出現。國家網信辦再就科企的算法規定徵求意見，同時最高人民法院列案例裁定「996」工時違法，似是針對內地科企工時長的問題，當日阿里巴巴的股價最受影響。
8月港股仍係監管市，週末又有網信辦要整治商業網站平台，再傳天津市政府控股企業須將數據移至「國資雲」，不得再與阿里、騰訊等雲平台簽約續約，也是直指科企數據相關的控制權，整體而言，科技股仍然非常波動，唔係幾值得博轉勢。
相信上週末電動車股民最期待的就是三頭馬車的中期業績報告及消息。比亞迪#1211，業績乏善足陳，上半年營收910億同比增長50%；淨利潤得12億同比下跌29%，咁唔賺錢仲要口罩賣得好好，我睇咗好多內地嘅評論，都係講兩個原因，第一系上游原材料太貴，搞到寧德時代都唔係好賺錢，第二就係產能追不上供求，咁大多最後都係睇好未來嘅，未來好唔好我就唔知，但係一比起長城汽車#2333 上半年營收620億同比增長72%，純利按年多賺2.1倍，咁就高下立見，我自己就兩隻都唔多，集中左係吉利汽車#175，週末佢宣佈英特爾、寧德時代、鴻商產業控股、Bilibili及博裕投資同意向極氪智能科技認購共五億美元的優先股，呢個係重磅利好消息。要注意北水上週五淨買入最多的個股是比亞迪同吉利汽車，啲人評論唔重要，最重要係市場點解讀呢啲壞消息及好消息。
咁上面都已經講電動車在高速增長、但大宗商品原料價位不斷漲，咁梗係炒呢啲，我應該係最早提大家要留意#1091 ，先前震了一下，國內錳出廠報價卻升至29600-30000元/噸。電解金屬錳價格升不停，佢股價突破，我哋就係咁買，1.5 升到1.7，這一段是最有信心，又係食半留半，剩低一半將止賺位擺喺入市價，坐贏望多嘅時候。
週四傳聞寧德時代入股#2362金川國際一度令金川瞬間爆升90%，其後寧德時代指消息不屬實。金川的股價隨即下跌，似乎空穴來風未必無因，金川國際擁有巨大銅儲量及鈷儲量，不是寧德時代入股，其他做電池的企業都會想入股。現在是資源是爲王的年代，睇圖表現時金川的價值及其股價已經被激活，如果擔心波幅太大，咁可以留意#1772鋰，能夠突破近週高位咪𥄫下囉。
最後講下消費股，我上個禮拜四教書嘅時候，同學生講有啲賣衫嘅國潮牌子好似#3998波司登#3306江南布衣，又唔係必需品，佢貴一貴都唔係咁惹到監管，估唔到星期五就來料，這些內循環國潮消費經濟股見低都可以都可以關注下機會。叫同事準備咗啲簡單資料，大家不妨望兩眼，”早前商務部表示，始終堅持擴大内需戰略基點，推動形成強大國内市場，促進消費升級。加上在國潮帶動下，鼓勵消費內地國貨品牌，利好服裝股。
#3306江南布衣早前發盈喜，預期上半年淨利潤增加超過80%，公司指內地疫情緩和對零售市場影響相對大幅下降，同時估計零售渠道持續優化可提升零售表現、產品認可度及經營效率，有助刺激消費，利好業務發展；另外，世界權威市場調查機構歐睿國際完成2020年羽絨產品的銷售額和銷售量統計，結果顯示 #3998波司登兩者同時位列第一，預計未來公司數字化轉型令業務穩定增長”。
綜合來講，週末我用軟件篩選，搵到有潛力既異動股唔多，咁有啲朋友就諗不如休戰，呢個對炒家來講，就唔係咁理想，因為而家喺底部，幾時真係升話唔埋，如果冇咗盤感，真係升嘅時候就唔識炒，大家暫時適宜小注怡情，喺股市擂台試拳搏擊，攞下盤感做功課，比較一下不同利好訊號出現嘅頻率會較為着數。
士佳說 - 張士佳 舊文
本文作轉載及備份之用 來源 source: http://skycheung.weebly.com
