渾水專欄│洞察力作為一種金融嘅核心技能（渾水）
渾水專欄│洞察力作為一種金融嘅核心技能（渾水）
特殊的洞察力好重要，除咗幫到炒股票做股票研究外，出嚟傾生意傾刁，都要了解人哋背後圈子嘅脈落，同人哋講多啲深入嘅話題。
最近某一位專欄作家高調講某一間內房相關的債券，有好多藝人落搭。現在嗰間內房
出現債務危機，好多債券認購人都套牢了，無數藝人中伏。
下載Yahoo財經APP
美股、外匯、加密貨幣免費即時報價，自選投資組合獲取相關新聞提示。
這個觀察，是有一次我搭車的時候跟他說起。為免引起誤會和不必要的誹謗，所以我就隱去關鍵資訊。
首先，我是在市場上聽到這樣的消息。然後，我用一些特殊的洞察力判斷到這個現象。現在很多名媛、藝人都喜歡玩IG， IG很透明，你會見到邊啲藝人特別友好，邊啲商界名人同邊啲藝人特別友好。
你睇佢哋平時share和like嘅資訊，大概估到佢哋係邊一個朋友圈。社交媒體未興起之前，我做自己股票研究，都好喜歡喺娛樂雜誌嗰度查找相關資訊。
補習名師動向有路捉
睇娛樂雜誌除咗食到花生之外，你會知道富豪嘅動向，佢哋溝緊啲乜嘢女，如果結合埋一啲金融嘅觀察，就好容易傳染成一個好有意義嘅故事。呢一個功夫冇乜人做，因為識娛樂唔一定識經濟，識經濟唔一定識娛樂。我以前寫專欄嶄露頭角，其中一個技能就係有呢啲洞察力，將佢哋寫咗出嚟。
呢類洞察力好重要，除咗幫到炒股票做股票研究外，出嚟傾生意傾刁，都要了解人哋背後圈子嘅脈落，同人哋講多啲深入嘅話題。這點伎倆，我是從一位資深deal maker身上學到。
最近我睇聯交所通告，串連到一啲有趣嘅觀察。之前中文補習名師林溢欣喺自己社交媒體宣布離開遵理，會做自己新嘅教育品牌。聯交所通告顯示，原來呢個合作同上市公司創天傳承（8195）有關。
曾俊華競選公關羅永聰係我個人facebook面書嘅朋友，佢之前喺社交媒體曾經post咗一張同林溢欣嘅自拍照，地球post來的，換言之全世界都見到。重點係，羅永聰係創天傳承嘅董事。
故事好容易串連出嚟，睇嚟呢位公關一哥已經跳出公關界，成為咗deal maker穿針引線，正式進軍教育界。
喺而家呢一個架構，新公司斥資千萬，林老師變相自立門戶，他不只是一個前線嘅教育工作者，而係有股份，有管理權嘅高層（根據通告，佢係公司嘅董事會主席）。既然有自己話事權，咁佢有啲咩理念發揮，都可以隨心所欲。我諗補習天王願意合作嘅主要原因，就係有羅永聰加乘，佢出名長袖善舞，政治商界兩邊食。
渾水
本欄隔周四刊出
渾水專欄 - 渾水 舊文
本文作轉載及備份之用 來源 source: http://hk.finance.yahoo.com
