士佳說 - 張士佳 2021年12月20日
【#士佳說 】張士佳：另一扇窗
【#士佳說 】張士佳：另一扇窗
上週四231xx 博左轉好倉，升五百點，即市五百點好好味，點都食啲，但過市就冇食，後來市傳擬禁止富途等互聯網券商提供離岸交易服務，港股變相少咗支水喉，今日勢必低開，暫時以不變應萬變，繼續以陰燭收低於23104作為分界線。
科技股，美團#3690、騰訊#700被由頭沽到尾，嗶哩嗶哩#9626又新低380.6，比高位冇左半載。電動車板塊都疲弱，比亞迪#1211跌穿配股價276蚊未上得反。只有銀行因英國加息，滙控#005、渣打#2888有得升反而可以留意，至於內房、消費及公用基建股等則相對比大市還較好，其餘大部份都係跟市走弱。
新能源電力股都要回，比較多破頂陰燭回落。如華潤電力#836、中國電力#2380、華能#902、華電#1071及東方電力#1072，創新高後倒跌，反映多人食糊走下位，尼兩個星期由低位叫買上嚟都已有不錯利潤，之後再吼位入過；電視股#751近日買番，急升一浸又急回返，得個吉仲要小小艇，不過我冇理，由得佢艇住先。
跟進上星期五提到的大唐發電#991再升再創新高，今日再升再食。風電龍頭#916龍源電力及電力基建股中國能源建設#3996，都硬淨，尤其是前者，希望作為長期投資;氫能概念#3899我等12.48先考慮食，而智能電網股威勝控股#3393就食半留半，近日已吸引較多的資金關注了，可能要整固下先。
反而可以再睇下比較細隻的電力設備股，上海電氣#2727，仲有光大系同北控系，當中最體好光大系，資金可能輪動到佢哋。
鋼銅鐵都有得升d，不過又未去到要入市位置；留意反中鋁國際#2068再拉昇，日前話公司不涉及鹽湖提鋰相關投資業務，都仲再升？相信主要是跟A股炒得火熱關係，若破前高H股都或再跟炒一下。
內房上日就揀咗隻超底殘的中國融創#1918，週五竟比起大市為強得多，既然捉到低風險入市位，小注坐下，穿底止蝕，計值博率而己；啤酒消費股除咗隻百威亞太#1876仲有得升之外，潤啤同埋清啤都要跟市回下，我就好少理，逢低就入些潤啤。另，市場轉飲水，農夫山泉#9633逆市破頂陽燭，值得跟進一下。
中央在大力修橋補路基建，留意下啲公路基建股之餘，同時，亦大力鋪建5G網絡，長飛光纖光纜#6869也是逆市升近7%，只在跟進中，暫時都無意買入，講炒佢又蟹貨多，炒我不如炒冇蟹貨嘅#1958，講穩我不如買#2688。
好多投資者覺得現在市況十分消磨投資者意志，大市陰陰跌，但我成日都講投資成功之道首要Grit，皆因「機會係跌出嚟」，「關了一度門，必定開一扇窗」，不知就裏咁聽落去，好似只係老生常談，好似諗出門口阿媽叫你小心啲，一些沒有實質作用嘅鼓勵窩心說話; 實質非也，幾多狂升高高在上嘅好股，好似當年嘅舜宇光學，不少散戶朋友都話相逢恨晚，如果能夠早些認識就好了。
現在對一啲好股嚟講，咪就係早些嘅時候囉；當大部分行業都受暫時嘅監管，要重整之時，本來早係盈利受控嘅發電股，以及新能源股，正正係最近跌市嘅定海神針。比亞迪受tsla影響暫時緩一緩，我手上雖沒持有，但係會留意呢段時間嘅發展，下一個入市訊號至為重要，在這些電動車大股調整之際，北京汽車竄咗出嚟，大家唔覺閂咗個門走出個窗咩？
再者，若然真係唔批准互聯網經紀上內地，投資港股美股嘅管道縮窄，咁內地券商咪自然得益，咁唔係又係另一扇窗咩!
士佳說 - 張士佳 舊文
本文作轉載及備份之用 來源 source: http://skycheung.weebly.com
