湯文亮專欄 - 湯文亮 2022年1月12日
低價賣樓只是物業代理吸盤手法
有一向睇唔好香港樓市的老友話，最近又有人劈價賣樓移民，將沙田第一城一個280方呎單位劈價10%賣走，證明香港冇前途。我經常認為劈價賣樓的新聞沒有甚麼意思，只是業主將叫價大幅提高，根本脫離市值甚遠，如果真的是要賣樓，一定要大幅減價，報道就會說有業主劈價賣樓。
不過，今次劈價賣樓的新聞應該掉轉嚟睇，就算賣樓移民，所賣的亦只不過是三、四百方呎單位，對市場沒有指導性作用。如果賣樓移民的人講緊是買千幾二千方呎單位，情況又唔同。而事實上移民多，賣樓移民的人不多，亦不會有業主因為別人賣樓而賣樓，所以樓價沒有受到影響。
我認為整件事未必關移民事，只是物業代理吸盤手法，由於放盤的人不多，物業代理話有業主劈價賣樓，希望那些打算移民的人早日賣樓，他們就可以增加盤源。如果太多人賣樓，物業代理反而會搵一些業主提價賣樓的個案，希望打算買樓的人早日下決定，唔好揸個價揸得咁死，最後是追價買樓。
作者為紀惠集團行政總裁
湯文亮專欄 - 湯文亮 舊文
本文作轉載及備份之用 來源 source: http://www.am730.com.hk
