笑到最後｜樂觀是最後防線（高明）
笑到最後｜樂觀是最後防線（高明）
高明承認，過年第一日Tesla（TSLA）為首嘅美股大升，的確令到本欄太過樂觀。
高明承認，過年第一日Tesla（TSLA）為首嘅美股大升，的確令到本欄太過樂觀，導致隨後連續五日跌勢硬食。
有啲朋友私底下慨嘆，點解唔喺
高位沽出，然後低位買返曬？呢度牽涉到兩個問題：一、邊個先係高位，1月1號冇人會覺得當日係高位；二、低位咩位買？假設係Tesla，1000美元係咪低位？點解唔等800美元先買？
美股、外匯、加密貨幣免費即時報價，自選投資組合獲取相關新聞提示。
成個過程中，唯一覺得有位反向出手嘅一刻，竟然係一名網絡紅人睇好Tesla、納指三倍ETF（TQQQ）同埋Twitter（TWTR），事後亦都證明嗰一刻相反造獲利唔錯。
當然，自己冇咁做。點解？因為呢啲反向指標，同自己買入原因有咩關係？正如本欄講過好多次，買美股原因，唔係因為美股前景光明，而係美國科技霸權之下，大部份一般人前景黯淡，曾經有過嘅一啲小生意機遇，科技霸權會將絕大部份機遇滅絕，多多少少都要加入佢嘅生態混口飯食，互聯網世界由多元變返單元，恍如中世紀地主階級剝削農奴一樣。成個機制嘅罩門，就係中世紀謝絕權貴以外人參與，結果造成革命，科技霸權喺股票市場上打開一扇窗口畀你加入一同剝削自己在內嘅庶民。
過山車市況今年料常見
上述嘅「論述」，再睇網絡紅人逆向操作，請問有乜嘢關係？自己檢視過幾次，發現冇關係，就如過去無數次美股上落一樣。更何況今次係升上去跌落嚟，同其他市場低位再跌有分別。
回到頭先嘅論述，不得不承認，過百年歷史嘅美股市場，操控係極之嚴重，今個星期一嘅跌市，來自一間投行嘅報告話加四次息。聯儲局官員輪流發言，政策出咗，議息紀錄亦都上載埋，一個分析員超譯官方講法竟然成為跌市元兇，大家會開始明，呢個唔係跌市原因，而係事後解讀。
科技霸權之所以俾你加入，唔係因為佢嘅善心同憐憫，而係佢崛起之初要錢，所以上市，到佢長大成人，可能有人想買返，不過價值已經上升到少數人無法完全持有，但亦無打算「共同富裕」，客觀嘅方法就係令持有難度提升，餘下落嚟嘅就係適者生存，所以經常會見到霸權股一邊回購，另一邊震倉。
一旦跌市，所有分析、圖表、業績、增長，全部都係理論。取而代之，好醒一早沽貨、一路睇淡、美股係騙局、一早講咗熊市等等言論就會出嚟。
都係嗰句，如果你當初講過咩strong hold信念持倉，結果發現信念嚟自佢升，一跌就失信念，咁就講咩都冇意思。星期一納指收市倒升，先假設唔會跌到零，出現反彈，但類似波幅，恐怕今年出現得更頻密，就連分析都會如坐針氈，喺呢種情況下，最後一條防線，叫做樂觀。
高明
facebook：https://www.facebook.com/bigricetea
IG：https://www.instagram.com/koming.usstocks/
作者簡介︰賺錢係目標，炒股係手段，專欄記載由手段到目標嘅過程。
本欄逢周三刊出
笑到最後 - 高明 舊文
本文作轉載及備份之用 來源 source: http://hk.finance.yahoo.com
