士佳說 - 張士佳 2022年2月10日
【#士佳說 】張士佳：黃唔黃鶴，睇今天
【#士佳說 】張士佳：黃唔黃鶴，睇今天
今日篇文章可能要晏些少，因為瞓都唔夠瞓，瞓得幾粒鐘，現在日頭期指&股票，夜晚夜期美股美期，有得炒梗係唔可以放過。看官讀者可能會話，有得炒又唔早啲出聲，喂！我出晒聲㗎啦。我1月7號做sun Channel節目，當日最低23142 ，市場一遍慘淡，我大膽話港股已經極度超值，可以放心買；到1月21號，港股都已經升到上24,000幾，我反而叫大家將美股轉哂去港股，結果美國嗰邊跌到飛起，港股都跌，但少好多，兼且呢個跌正正造就撈港股嘅好時機，先前港股極衰嘅日子我盡量少寫股票Number，只係集中一兩個板塊寫，因為只有一兩個板塊突出，但近呢個月，你見唔到我寫得好長， Number好多咩，所以唔好而家先至問我有乜好買。就算係買期子買牛證都賺到笑啦！
到尋日我都係咁寫「期指似乎有力向上，儘管短期繼續上上落落，等埋科技股表現好啲，短線上落就難測，但長期而言，早已買入一些，出現有量陽燭突破，相信就會一騎絕塵，去如黃鶴。」居然有讀者pm我乜嘢叫做去如黃鶴，一騎絕塵，笑死我，一定係番書仔，尋日陽燭飆升500幾點，夜期再升二百幾，就已經解釋咗係乜啦。先前都講咗策略上博見22663大底，尤其值博，尋晚夜期升到咁，我都同學生講，忍唔住食咗1/7， 唔係我睇會回，係升勢太凌厲，太吸引啫，too good to be true，如果有買到嘅今日就唔好咁放肆，25000 樓上不妨食啲先，但係如果今日期指再陽燭，咁就準備250天線上邊見。
尼兩日外圍消息都多，先有大國博奕，藥明生物#2269被納入未經核實清單而暴跌，藥明康德#2359也受到波及，我哋去年已避開藥明生物的驟跌，前日就吼2269 停牌，大力博藥明康德反彈，未已經同學生通晒水，仲大部份$102 樓上全身而退，好味道，暫時兩隻股都唔使睇住，咁不明朗，市場上好多野好好炒，無謂向極高難度挑戰。
阿里巴巴BABA.US公告擬額外註冊發行10億份ADS，本來市場估算是軟銀減持利淡藉口，但細心留意股價並冇跌穿底，第二日收陽燭，其實阿里此舉非增發股份，冇攤薄原有股東利益，當然軟銀出來澄清仍然長期持有沒有出售阿里意願，立即明朗化，不影響阿里本身的基本因素。故筆者認為，股價跌很大機會只是一時對消息信心上的影響，外資一直等機會買，芒格都買貴咗咁耐，現價很值博，隨時來個報復式挾淡倉。
隔晚阿里巴巴BABA同港H股#9988就gap up 升近6-7%，同時帶起所有中概股如 Bilibili, JD, PDD, BIDU, NTS 等急彈，之前都已經提過估值互換，中概科技股再跌空間實在不大，連阿里弱勢都可以帶領升咁多，科技股ATM博見底，騰訊#700，美團#3690自然也不會落下，就連一直在谷底的小米#1810都彈升近5%，尋日ATMX就貢獻了指數一半升幅。順風使船，美債息率略有回落，系科網板塊大反彈的助力下，指數突破一蹴而至。
值得注目北水不斷狂買儲貨的快手#1024，尋日又買10億港元，終於冒出頭來，相信股價會急升一段，不竟國內系非常睇好直播電商總成交額，而且多家大行對快手給出年度業績預測有25%以上增長。電商發展離不開數字經濟，當中偉仕佳傑#856是綜合數字化轉型供應商，業務cover雲計算、大數據、人工智能、數據存儲、數據分析、基礎建設、網絡安全等等，正正是重點國策之一，股價尋日創近1年新高。
Update一下大宗商品行情，鋁期貨市場繼續走強，龍頭中國鋁業#2600升9%、俄鋁#486收市爆升10%，中國宏橋#1378都升6%以上，紫金礦業#2899從後趕上。煤炭股現貨、期貨價格已經連升多日，出現過快爆漲，國家自然高度關注，就會要維穩，之前話#1171、中國神華#1088等位食，食得，炒資源就係要留意個價同消息。煤炭價格降溫，同時間對綠電力則形成利好支持，今日要留意華電國際#1071、華潤電力#836、中國電力#2380，華能國際#902等，正好連接炒煤股的利潤。
疫情方面，歐美實行與 Omicron 共存，反而全面爆發的階段已經接近尾聲，並指出疫苗接種、新冠治療和預防感染等措施結合使疫情更容易控制。所以對於航空旅遊業連日帶來刺激，中國國航#753、中國東方航空#670，甚至國泰#293都表現吾錯，但擔心油價太貴，未得來賺錢已經成本高漲，未能抵消。不如炒下隻首都機場#694，公供設施免卻油價煩惱，圖表凸破250天升近4%，投信心一票。
舊經濟金融內銀內險方面，滙控#005差不多60蚊了，再創約兩年高，中銀香港#2388亦創逾兩年半高，以全日最高位收，平保#2318終於企上65蚊，甚至老牌電訊中國移動#941都急升不下。預計大資金繼續往阻力小的方向流動，回下吾出奇，但應該吾多，吾好胡亂平晒好倉，點都留返啲貨底。加上國家隊護航入市A股，雖然傳言不實，不過A股主要指數不斷反彈，3400點失而復得變支持，要留意。
另外，獨市生意港交所#388徘徊新舊經濟之一，小鵬汽車#9868獲納入深港通下的港股通名單內，系第一隻俾北水買賣的雙重主要上市兼同股不同權股份。未來有更多第二上市股份轉為雙重主要上市，就更多內地投資者和增加股份流動性，成交逐漸增加，相信會利好港交所，市況回暖，亦靠港交所容後拉升，買信念就在低位儲貨，隨時等開車。
士佳說 - 張士佳 舊文
本文作轉載及備份之用 來源 source: http://skycheung.weebly.com
