士佳說 - 張士佳 2022年3月3日
【#士佳說 】張士佳：美加息步伐減慢
【#士佳說 】張士佳：美加息步伐減慢
環球市場氣氛已經被俄烏濃濃的炮火籠罩，戰況愈激烈，愈推升油價，吾多吾少會拖住世界經濟復甦，市場更懷疑美國加息的幅度偏低，聯儲局主席鮑威爾稱，預計3月份加息是合適，傾向加息25個基點，並會留意俄烏局勢。confirm加息，但唔會多，所以尋晚美股有得回升。而港股明顯受到了外圍同疫情衝擊，與確診數字日創高峯成反比，指數跌近2年低位，指數穿位，主要由於銀行金融地產股受加息預期降溫而拖低大市，唯整個市場睇到的局部機會仍然在資源相關。
資源中以油氣爲母，油價再大升，大部份理由就是擔心戰事緊張之下影響供應，俄羅斯已經斷供氣油，儘管各油國釋放原油儲備又加強採購勘探，但仍杯水車薪，擋不住油價大幅攀升，布油原油都衝上去每桶110美元，油股都跟隨，中海油#883及中石油#857逆市抽升3%，有貨的楂實未敢沽，冇貨的就追另一些資源股，主力仍是煤同鋁。
事實上，油價攀升影響了好多企業成本，反而對煤炭的依賴有增無減。睇下隻兗煤澳大利亞#3668兩日抽升7成，不是叫買，主要系睇到市場急於要尋找俄氣替代品，儘管國內想壓下煤價，但眼下除了較平的煤炭可以頂替上的，並無他選。內地動力煤價，雖然日前有消息被限制於range內，之後卻連升第三日，兗礦能源#1171昨日升4%再強勢破頂，尋日開市時有買番。
市場擔憂制裁會影響俄鋁礦供應，國際鋁期貨市場已經日日在爆升，美國鋁業AA.US，世紀鋁業CENX.US升破頂；前幾日文中提到轉買番中鋁#2600，並盡量楂長啲，尋日升近6%，中國宏橋#1378亦做得不錯。還有其他銅有色金屬等冉冉而上，自己做下功課。
講開功課，updated 下手上的嘅#1091南方錳業，上星期做Sun channel前一日已經寫左機構研究資料話Tesla 4689電池對錳需求量大，最緊要系睇到幅圖的訊號，買左幾日都有得升尋日爆上，難得逆市上升，我未走，博去一去前頂。
打仗真係影響到航運路線少咗，物資需求又大咗好多，集倉箱同航運價格又再加價，睇資料波羅的海至英國TD17航線上油輪的日均費率增加3.5萬美元，至21萬美元/天，實在非常誇張。目前嚟睇，受益最大的主要有走乾散貨線路太平洋航運#2343及走油運的中遠海能#1138。
最後，先前話建築股輪住升，又吼回下機會，喺指數穿曬底咁嘅市況，都唔係回太多，吼番隻#1735小注博下仲有冇得升先。講開吼回，我嗰隻牛年利是股568山東墨龍，當日升七八倍，跟住冇玩冇玩，一直到最近，大市在跌見佢跌唔落，心郁郁搏一搏，但係蟹貨咁多，驚驚地，真係一穿底就要吼反彈走。
士佳說 - 張士佳 舊文
本文作轉載及備份之用 來源 source: http://skycheung.weebly.com
