士佳說 - 張士佳 2022年4月14日
【#士佳說 】張士佳：只要肯搵，都有得炒
【#士佳說 】張士佳：只要肯搵，都有得炒
前晚美股要回低走，港股尋日可以升到幾十點，算吾錯了，守得住20963，但都係升到去21500附近位置就回，不過有幾個股票板塊就做得不錯，市場好似在等緊啲消息。總理李克強喺常務會議不斷放鴿，例如再話將降準睇嚟來將實現，中央維穩的決心吹暖風穩住股市，重點有以下幾樣；
1）適時降息降準。市場估計人民銀行會在一星期內做嘢，降準在望，.......降準似係快彈慢跌番格局
2）要進一步加大出口退稅等政策.........鼓勵工業製造。
3）支持工業互聯網企業公開發行證券並上市，可通過增發、配股、可轉債等方式再融資借錢週轉....呢點關A股事多些
4）擴大重點消費包括，餐飲、零售、旅遊、民航等行業紓困政策落實。會議又鼓勵汽車、家電等大宗消費，要求各地不得新增汽車限購措施，全力支持新能源汽車消費和充電樁建設。新能源汽車股等市況稍好似有運行。先前博過＃1211，但受制於250天綫，彈番走先，能真正征服250天綫再諗，唔係穿一穿就征服，學生識嘅就昅實，讀者就唯有等之后通報。現在佢地冇得幫襯餐飲，口淡淡食住味精先。
5）加快重點項目建設進度，把消費相關基礎設施建設投資帶動消費。基建公路投資繼續上馬創造職位及資源需求，所以先前咪＃390/#3311，仲hold住
上海封城對中國經濟外貿企業製造的衝擊吾細，去過都知嘉里中心附近有幾旺，呢張係我仔影番黎，你見過上海咁乾淨俐落未？
尋日見到有篇翻山越海行40小時拖喼離上海，link....
如果係真，都幾誇，亦幾傻幾獨立，求助特區政府駐滬辦事處或上海總商會一定幫到你，仲好好人，我仔一個人在上海，幾小時已平安返港。
希望5月解封，影響減至最輕，配合以上一連串救經濟措施，後續生產力，消費力會容易彌補4月封城的缺口，報復式反彈，市場都係等緊這個時機。in the mean time，炒D唔關事嘅囉，#1672歌禮向12个國家提供利托那韋，都跌左落來，咪無之前咁貴囉。
講反大市，投資者觀望多於出手，成交只有1000億，非常少，為4月1日後最低，假期在即，稳為上，無可厚非。不過，個別版塊仍做得出色，先前同大家講隻#330，升到牛市一樣，由二月講開始起計，到今日升了五成，今日趁升落唔落些車，就睇你有幾貪，我就唔太貪；如資源股：油價反彈，中海油#883再升近4%，之前都話唔吼港股油股，吓，咁咪徙左，仲有下句....港股吼煤....煤炭追升件利害，神華#1088、兗礦能源#1171不在話下，中煤能源#1898，#1733易大宗似乎氣勢更強。資源股表現咁突出，由於俄羅斯講話佢可以輕鬆地將其大量能源資源的出口，從西方轉去真正需要這些資源的國家，同時增加國內的石油、天然氣和煤炭消費，即係話自己用都多啲唔想畀歐盟，去邊？盡在不言中。隻#639首鋼資源，唔知你知唔知佢都係開採煤炭，近日走勢不錯如果陽燭破頂，跟進睇下囉。
國際煤價走上冇回頭，資金圍爐在炒。可以睇反近一個月股價翻倍的兗煤澳大利亞#3668尋日曾飆升兩成，此起彼落，煤炭股目前是比較易捉易搏板塊。再炒埋金價銀價上揚，招金礦業#1818與紫金#2899創一年高位，山東黃金#1787都係反覆上昇嘅勢。不過炒還炒，除了黃金外，要小心其他資源材料價格居高不下，又有政策出嚟關注，因內地主張扶持內地工業出口，成本太高都無力做到，最終都要壓一壓資源價格。
內房股就普遍回升。華潤置地#1109，中海外#688及萬科#2202如破近日頂，都有瞄頭，到時再跟進。
俄羅斯軍方表示，已經完全控制烏克蘭南部貿易港口城市馬里烏波爾，根據西方的衛星圖片顯示，一個長達13公里的俄軍車隊，正在烏東地區進發（見圖），有大批俄軍坦克、火炮，周圍進攻集結，預計戰場會有大動作，種種跡象，似以戰止戰來對決。有大動作就要小心，尋日出完呢D圖片，尋晚夜期美股仍升，即有機會再上試21500，睇今次穿唔穿了。
士佳說 - 張士佳 舊文
本文作轉載及備份之用 來源 source: http://skycheung.weebly.com
