士佳說 - 張士佳 2022年5月26日
【#士佳說 】張士佳：市悶，股不差
【#士佳說 】張士佳：市悶，股不差
尋日指數試一試20000邊挺得住冇穿，支持又似行前一步，但向上動力又不強，只是幾百點波幅來來回回，悶局。
大市悶，但股又幾活躍，我菲傭向大家提供的味精股醒胃升過7%，學生們竟話多謝我菲傭，無理我終日口淡淡。最熱鬧板塊仍然是汽車，升得最靚係#2333長城升，似乎延續政策減徵部分乘用車購置稅600億元的好消息，今次購置稅主要受惠燃油車，可以比較則埋長城同吉兩隻來炒，我走完一次牛無參與，陽破15.08再吼；細細隻既#305五菱汽車還在等突破，佢雖然未郁，但望住隨時會失驚無神升一棍，就會開始炒下。
尋日見大市無事無幹，繼續忙住跟同事準備星期五節目，冇乜點操作。
而大趨勢行情資源板塊，我每日都習慣瞄下，回憶起尋晚前晚甚至大前日，布油原油都係企住110美元，一直吾落，心裡揣測隨時爆邊。而港股嘅油股就一向落後，不過落後還落後，慢慢行出自己走勢姿勢，#883中國海洋石油更出了買入條件，難得未升得咁高，小注棒下場，陽破11.64會全力關注，#386中石油低位趁勢再起，而一直有跟進的#1623海隆控股還未敢甩掉，但係波幅咁大，小注等就夠了，美股#OXY又上番＄66，每次回落都是机會。
隨了油，近日資源領頭羊是煤炭板塊，尋日講留意細市值煤股，先有#639首鋼資源破頂，#1733易大宗亦不遠矣，大市值的#3668兗煤澳大利亞更屢屢逆市走強，高位整固，今日有母企折讓14.5%增持，會望住先，而#3948伊泰煤炭雖蠢蠢欲動，但陽不多於陰，呢隻揾位走。其實近期楂住煤炭股就已經跑贏大市。全球煤炭失衡價格易跌難升，就算日前中央發改委出來冷卻干預，煤企仍然大賺派息又慷慨，資金仍然圍爐取暖，今年仍然會是大趨勢行情，聽日Sun channel 節目會講多啲圖表分析。
仲有要留意下#1138中遠海能繼續景氣，LGN運油船舶價格6月起調升歐線運到250至500美元上下，雖然前日day high食得靚，尋日又跑返上嚟，如果可以再陽破新高，再走一段。再跟進隻#354中國軟件國際短炒反彈股，都在蠢蠢欲動，希望你有關注.....
寫到尼到，大家發現蘊藏着的活躍股唔算太少，不過望返大市，欲強還弱，又未敢太放肆，要等更大的政策，或者明天意料之外的巴巴業績，才能悶極思動。
士佳說 - 張士佳 舊文
本文作轉載及備份之用 來源 source: http://skycheung.weebly.com
