渾水專欄│小人之心看藝術圈大佬（渾水）
渾水專欄│小人之心看藝術圈大佬（渾水）
最近藝術圈最多人講嘅拍賣，當然係Andy Warhol瑪麗蓮夢露嗰張藝術品。
我的出身介乎草根和小康之間，做了金融業很長時間。出身和身份決定階級，階級決定思維，思維決定行為，所以每當我見到一些奇怪現象，有時難
免都會從一些邪惡、銅臭的角度出發。
美股、外匯、加密貨幣免費即時報價，自選投資組合獲取相關新聞提示。
以下係其中一個展現我邪惡思維嘅例子。
最近藝術圈最多人講嘅拍賣，當然係Andy Warhol瑪麗蓮夢露嗰張藝術品，又是另一個拍賣品天花板的估價，大茶飯來的。
成功贏得這件收藏品是鼎鼎大名的Larry Gagosian，當然佢背後係有一對超有錢嘅老細。呢個不在話下，Gagosian喺香港都有分店，有好多非常精彩嘅藝術品，我周不時都會去睇。
就係呢一件天大新聞差唔多時間點，Larry Gagosian簽咗一個藝術家叫做Anna Weyant。
曾經有一些傳聞話佢哋有小三關係，不過已經被官方否認，所以我哋姑且只作為一個參考，唔好妄下太多嘅判斷。
明星效應點石成金
由於呢單大茶飯，本來Gagosian已經夠勁，但再撥左一次火，好自然地佢新簽嘅女artist，亦成為被重點關注和追捧嘅對象。Weyant嘅藝術品亦都曾經有幾萬蚊港紙，在一樓拍賣行炒到而家幾百萬港紙。
如果用金融邏輯線性地去睇兩件事，你會發現真係同我以前經歷過嘅嘢好類似。最近同幾位十億身家以上嘅藝術收藏家朋友傾偈，大家都講開呢個故事，大家都有類似嘅思考路徑。沒有誰比誰更高尚，哈哈。
前年地球最多人追捧嘅基金經理係木頭姐，木頭姐當時風頭一時無兩，點石成金，佢買啲乜嘢嘢，第二日個價就會聲，呢個就係明星效應。
就算喺其他層面，都有呢一個明星效應。當某一啲知名投資者或者機構投資者做完大茶飯之後，佢哋有份參與嘅Deal項目，都會有一個特殊premium。所以，點解係一級市場咁鍾意搵一啲明星機構投資者入股就係咁解，點解IPO嘅時候咁多知名大基金公司參與就係咁解。當然呢一啲操作背後都有枱底。
不過藝術唔同，金融嘅周期好短，明星光環好快消卻，一些曾經大紅大紫嘅藝術家只要去到某個高位，就算點衰，都唔會去得返幾萬蚊港紙，上咗位就係上咗位。
渾水
本欄隔周刊出
渾水專欄 - 渾水 舊文
本文作轉載及備份之用 來源 source: http://hk.finance.yahoo.com
