摩通預期，滙豐淨息差將由上年嘅1.4%擴至今年嘅1.7%，股本回報率將由上年嘅8.8%升至今年嘅11.9%。
好友反攻！上周港股連升5日，先後升穿10天、20天、50天、250天線，見島形底，後市可望挑戰100天線19700關，以至150天線20000關，而6月中以嚟嘅下降軌19000
關料有支持。值得注意嘅係，北水連續5日淨流出，趁市況好轉沽貨。上周五港股喺獲利盤湧現下，動力減弱，收19413，升63點或0.3%，5日3支陰燭；夜期低水95點；ADR比例指數低水126點。上周升勢，可能只係反彈而非轉勢。
美股外幣即時報價 多國新聞任睇
近年港股熊霸全球，連跌三年，連同今年上半年，三年半累跌33%。期間，舊經濟股王滙豐（005）喺2020年9月23日跌穿2009年「世紀供股價」28元，低見27.5元；新經濟股王騰訊（700）喺2022年10月25日跌穿200關，低見198.6元。不過，新舊股王又見「重啟人生」，上周滙豐重返2019年8月初水平，收62.8元；騰訊重上350關，收352.6元。上周五亦見北水食糊，滙豐、騰訊分別錄得3.5億元、9.1億元淨流出。
滙豐受惠歐美息口上升
先講滙豐，歐美息口持續上升，當中，美國聯儲局下半年仍有機會加息一兩次先至見頂，利率期貨顯示，7月加息0.25厘機會達96.7%；至於英國，貨幣市場定價顯示，英倫銀行明年首季前有機會再加息1.5厘；歐洲央行則於6月議息會議放風，7月有機會再加息。歐美息口趨升，有助國際銀行淨息差擴大，尤其歐美業務比重較大者，本港上市嘅銀行股，滙豐、渣打（2888）最受惠。
滙豐業務遍及全球，歐洲佔43%、北美佔8%，相對渣打歐美業務佔14%，比重更大。摩通預期，滙豐淨息差將由上年嘅1.4%擴至今年嘅1.7%，股本回報率將由上年嘅8.8%升至今年嘅11.9%。據彭博綜合券商預測，滙豐今年、明年、後年稅前盈利按年變幅分別為升36%、跌2%、跌3%，渣打則分別為升33%、升13%、升11%；滙豐3年股息率預測分別為7.7厘、9.1厘、7.8厘，渣打則分別為2.7厘、3.5厘、4.2厘，整體嚟講，滙豐比渣打吸引。
ATM竟獲發改委點名讚揚
至於騰訊，科網平台經濟監管鬆綁，上周三發改委罕見點名讚揚三大巨頭ATM——阿里巴巴（9988）、騰訊、美團（3690），讚其積極支持技術創新。睇返2020年12月政治局提出「防止資本無序擴張」、2021年8月官媒《經濟參考報》批評網絡遊戲為「精神鴉片」，科網股可謂死過翻生。監管點解鬆綁？中國雖已重啟經濟，但出口疲弱要靠內需，而大型科網股大多係內需消費股，因此政策倐然轉向。
綜合10間券商下半年選股名單，最多大行推薦嘅係兩隻科網股——騰訊、阿里巴巴，前者獲6間大行點名（星展、中金、瑞銀、大華繼顯、建銀、大和），後者獲4間大行點名（星展、大摩、建銀、高盛）。騰訊將於8月16日公布半年業績，券商預期次季經調整盈利增長30%，高於首季嘅27%。誠然，平台經濟受惠上年低基數同降本增效，今年盈利應該唔錯；但要注意：一、政策風險仍在；二、長期增長邏輯已生變，國內互聯網用戶規模見頂，成為增長隱憂。
割柑人
www.fb.com/hkstockpicker
本欄隔周一刊出
操盤手札記 - 割柑人 舊文
本文作轉載及備份之用 來源 source: http://hk.finance.yahoo.com
