泡泡龍講投資│三大原因美股升唔起（泡泡龍）
泡泡龍講投資│三大原因美股升唔起（泡泡龍）
不知不覺已經來到8月中，也是第三季中旬，唔知大家今年投資成績如何
？但無論咩成績，我相信今年往後的投資難度將會增加，核心原因當然是好的股票升得多，再上空間受限。就好似打機咁，前面易打嘅Boss已經打完，後面\oss只會愈來愈難打，一唔小心，甚至乎會Game over，要重新開始。
美股外幣即時報價 多國新聞任睇
唔知大家有無留意美股盤中情況，很多股票都在盤中感覺升得好吃力，盤中賣盤壓力巨大，似乎來到了一個「高不成、低不就」的局面。都好明顯既係，美股已經進入一個整固mode，而唔再係一個單邊大升市，更似係一個橫行格局。
我認為大市升唔起有幾個原因 : 1. 4-7月升幅巨大，不少股票在4月大跌之後已經反彈創新高，估值都去番天上，短期再上難度好大 。2. 美國經濟數據一般。最近美國的就業數據都不算好，特別係之前非農數據下修了20多萬人，差不多等於承認之前係「造數」。 3. 傳統上8、9月都係回報最差的月份，可能觸發資金先避險。
針對上述第3點，我都想再詳細講講。過往歷史上8、9月的股市回報表現較差，特別係9月有「股災月」的外號，因為歷史上幾次股災都發生係9月。而個人感受很深嘅係上年美股8月因為日圓拆倉、直接大跌，之後小反彈後到9月第一個交易日，股市又繼續無緣無故大跌，好多之前升得唔錯嘅股票，踏入9月就突然變樣，而且真係沒有任何具體壞消息。
所以必須要相信資金力量，當大家都擔心件事發生時，股市的「自我預言」能力就會出現， 股價就會下跌。而上年亦亦正正是如此，記得9月跌足半個月，直到9月中左右先見底回升。
目前來看，美股呢個8月已經偏弱勢， 好多股票都已經高位回了不少。執筆之時，就連股王PLTR 都已經高位回調10%，經歷4連跌，圖表上而疑似形成「大圓頂」之格局。所以如果之前係比較進取的讀者，現在應該要考慮減一下倉位，或者換一下低進攻性的股票未嘗不是壞事， 現在亦唔係進攻的最好時機。
大家記住，投資係一場無限時的比賽，能夠賺到最後，唔被股市震走先算係最終贏家，所以現時大家不妨採取保守策略，等股市明朗化，又或者一個合理回調再加注未嘗唔係一個更好策略。
利益申報：個人不持有上述股票，未來不排除有買賣。
上述為個人投資意見， 不構成投資建議。
泡泡龍講投資 - 泡泡龍 舊文
本文作轉載及備份之用 來源 source: http://hk.finance.yahoo.com
